Populära bibelverser från ኀበ ሰብአ ሮሜ 8

Dela

ነአምር ከመ ይረድኦሙ እግዚአብሔር ለኅሩያኒሁ ለእለ ያፈቅርዎ ውስተ ኵሉ ምግባረ ሠናይ።

እትአመን ባሕቱ ከመ አልቦ ዘያኀድገነ ፍቅሮ ለእግዚአብሔር በኢየሱስ ክርስቶስ እግዚእነ ኢሞት ወኢሕይወት ወኢመላእክት ወኢቀደምት ወኢዘሀሎ ወኢዘይመጽእ። ወኢዘኀይል ወኢዘልዑል ኢዘጸድፍ ወኢዳግም ልደት ዘመትሕት አልቦ ዘይክል አኅድጎተነ ፍቅረ ክርስቶስ።

ወይረድአነ ለነ ድካመነ በመንፈስ ቅዱስ ወምንትኑ ውእቱ እንከ ጸሎትነ ለእመ ኢነአምር ተስፋነ ወባሕቱ መንፈስ ለሊሁ ይትዋቀሥ ለነ በእንተ ሕማምነ ወምንዳቤነ።

ምንተ እንከ ንብል እንበይነዝ ለእመ እግዚአብሔር ምስሌነ መኑ ይክለነ።

ወአልቦሙ እንከ ኵነኔ ለእለ የኀድጉ ምግባረ ሥጋ በኢየሱስ ክርስቶስ።

ወኅሊናሁሰ ለነፍስትነ ሞተ ያመጽእ ላዕሌነ ወኅሊናሁሰ ለመንፈስ ሰላመ ወሕይወተ ይሁብነ።

ወባሕቱ፥ በእንተዝ ንመውኦ ለኵሉ እስመ ውእቱ አፍቀረነ።

ወባሕቱ ኀልይዋ ለዛቲኒ ከመ ኢኮነት መጠነ ሤጣ ለእንታክቲ ክብር ወስብሐት እንተ ለዓለም ሕማሙ ለዝ ዓለም።

መኑ ያኀድገነ ፍቅሮ ለክርስቶስ ሕማምኑ ምንዳቤኑ ተሰዶኑ ረኀብኑ ዕርቃንኑ መጥባሕትኑ ጻዕርኑ።

ወውእቱ የሐትቶ ለልብነ ወየአምር ዘይኄሊ መንፈስ ወይትዋቀሥ በኀበ እግዚአብሔር በእንተ ቅዱሳን።

እስመ ኵሎሙ እለ ይገብሩ ዘመንፈሰ እግዚአብሔር ውሉደ እግዚአብሔር እሙንቱ።

እስመ ኵሎሙ እለ ለግዕዘ ነፍስቶሙ ይገብሩ ዘዝንቱ ዓለም ይኄልዩ ወእለሰ ዘመንፈስ ይኄልዩ ዘመንፈስ።

ወልዶ ጥቀ ኢምሕከ እምኔነ አላ መጠዎ በእንተ ኵልነ ወምንትኑ ውእቱ እንከ ዘኢይጼግወነ ኵሎ።

ውእቱ መንፈስ ቅዱስ ሰማዕቱ ለመንፈስነ ከመ ውሉደ እግዚአብሔር ንሕነ። ወእምከመሰ ውሉደ እግዚአብሔር ንሕነ ወራስያኒሁ ንሕነ ወእምከመሂ ወራስያነ እግዚአብሔር ንሕነ መዋርስቲሁኬ ለክርስቶስ ንሕነ ወእምከመሂ ወራስያነ እግዚአብሔር ንሕነ መዋርስቲሁ ለክርስቶስ ንሕነ ወእምከመሰ ዐረይነ ሕማመ ንዔሪ ክብረ ምስሌሁ።

እስመ ኅሊናሁ ለነፍስትነ ፀሩ ለእግዚአብሔር ውእቱ እስመ ኢይገርር ለሕገ እግዚአብሔር ወኢሂ ይክሎ።

እስመ ተስፋሁ ለዓለም ምጽአቶ ለወልደ እግዚአብሔር ይጸንሕ።

ነአምር ከመ ኵሉ ዓለም ሕሙም ወትኩዝ እስከ ይእዜ።