Populära bibelverser från Walumi 8

Dela

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

Hambi nha manyiye lukulu vyono, hasina cinhu cono cosuma kucitemanula mu wendo wakwe, hamba lifwa, hamba wumi, hamba wamalayika, hamba wawaha, hamba vilungo vinji vya ku wulanga, hamba zono zikwijela lulu, hamba zono zolowa hanyuma, hamba iyinze ya kucanyha, hamba ya hasi muno. Hasina ciwumbwa co cose, cono cosuma kucitemanula mu wendo wo Mulungu, wono wuli muli Kilisito Yesu u Mutwa wetu.

Nha vivyo no Muhe nayo yakucitaza mu wusocele wetu. Hambi nha si cimanyile vyono yicinojeye kulomba, ninga u Muhe mweneco, yakuwa kucilombela kuli Mulungu, ko wulilanzice no wukalale si wakulonga.

Hambi lu muli zizi, ho colonga citye wule kanyhi? Hono u Mulungu yali ku lubavu lwetu, alu nani kanyhi mono kocipingapinga?

Alu nhondo hasina wuhoswe kuli walya wono mu mikalile yawo, wakondya kwilunza na Kilisito Yesu.

Imahweso ge cimunhumnhu, galetaga wufwe, langa imahweso go Muhe, galetaga wumi no mulamu.

Ninga muli zizi zose, cikutuga wusume wuwaha muno, ko wutazi wakwe mwene mono yacenda.

Hambi nha nghuwona vyono magayo ga lulu si nghani yaye, hono cigalingʼanize no lukumyo lono lologubulilwa kuliʼse.

Hambi nani lo, mono kosuma kucitemanula no wendo wa Kilisito? Alo wugazice, hamba wugaye, hamba wugazwe, hamba nzala, hamba wusawuce, hamba zimbali, hamba wuwulagwe?

Nayo u Mulungu mono kawonaga sunga mo mugati mu zinhumbula ze wanhu, yalimanyile ilihweso lyo Muhe yuyo, hambi u Muhe yuyo, nha kawalombelaga iwanhu wo Mulungu mu wuhile wo Mulungu.

Hambi wose wono watongagwa no Muhe wo Mulungu, wawo nha wo wana wo Mulungu.

Hambi wono wekalaga imikalile ye cimunhumunhu nha watemigwe ne mahweso ge cimunhumunhu. Ninga wono wekalaga mu mikalile yo kutongwa no Muhe Mono Yelile, watemigwe ne mahweso go Muhe.

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nha vivyo, wule, si kocipela ne ziswanu zose?

U Muhe mweneco vikuhomelelana no muhe wetu, vyono ase cili wana wo Mulungu. Holeka vyono ase cili wana wo Mulungu, ale cawubocela uwumoti wose wo Mulungu wono yawawiciye iwanhu wakwe, kanyhi cohanga uwuhazi wuwo hamonga na Kilisito, hambi hono cihanje uwugaye wakwe Kilisito, cohanga kanyhi no lukumyo lwakwe.

Hambi mono yatemigwe ne mahweso ge cimunhumunhu, nha vili sili no Mulungu, si kawuhulikaga u wulajilize wo Mulungu, hamba si kosuma kuwuhulika yaye.

Hambi iviwumbwa vyose, nha vikulanjilila muno, u Mulungu yawalajile calinze iwanagwe.

Hambi nha cimanyile vyono, sunga lulu iviwumbwa vyose vikulila mu wusungu, kotya wo kulela mwana.