Populära bibelverser från LUKA 6

Dela

Muhaane ku avandi, kunangwa munyi muhevwe na Nyasaye. Yee, ligali mulanyola kegero kilahi chi gatiywi nukusung'uswa kuduuka kulisalika kilakaviikwi mu makono ginyu. Kigira kegero cha mutumikiraa kogerera mu avandi nicho cha Nyasaye alitumikira kumugerera.”

Mundu mulahi atulizaa vindu viveeye vilahi ku vulahi vomenyaa mu mwoyo gwigwe; kandi mundu mudamanu atulizaa vindu viveeye vidamanu ivimenyaa mu mwoyo gwigwe kandi, mundu amolomaa kuturana ku agaveeye mu mwoyo gwigwe.

Navuzwa muyanze avasigu vinyu kandi muvakolere amalahi mwegobize vugira kusuuvira kwiranyirwa, na madanyi ginyu galava manene, namulava avana va Nyasaye, Oveeye igulu. Kigira aveeye mulahi ku yavo avatali nilisandiza na avadamanu.

Muve ni zimbavasi kuli Baba winyu aveeye ni zimbavasi.

“Mutakalagira avandu vandi mba, kunangwa munyi muvuli kukalagirwa na Nyasaye; mutadura avandi, kunangwa munyi muvuli kudurwa na Nyasaye, musamiihi avandi, kunangwa munyi musamiifwi na Nyasaye.

“Navuzwa mbolera munyi ava mumbulirizaa; muyanze avasigu vinyu, muvakolere amalahi yavo avamudunyira. Mugasizi yavo avamulamaa kandi; Mugasizi yavo avamunyegaa.

Mukolere avandi kuli mwenya yavo vamukolere.

Mundu woosi ukwaala luhi ku lusaya lwu mukono mulungi, umugirung'anyiri lusaya lundi kandi. Mundu naakunyaga likoti liilio mulekere kali lishati liilio kandi. Ukusava umuhe, na mundu naakunyaga vindu vivio, utamuvaanza mba.

“Musaala mulahi sigunyala kwama makuyu madamanu kandi musaala mudamanu sigunyala kwama makuyu malahi mba.

Kigira vuli musaala gumanyikanaa kolondekana na makuyu gagwo. Kigira avandu sivagulaa makuyu kutura ku musaala gwa amafa; anoho mazabibu sigagulwa kutura ku vigunzanguva?