Populära bibelverser från Varoma 8

Dela

Athu ha tiziva ti to Txizimu txa tshanganisa sotshe si txi maha wunene ka vale va txi dhundako, avale txona txi nga va dhana ngu kuranda ka txona.

Nguko na themba ti to hambi lifo, hambi wutomi, hambi tingelozi, hambi mifumo, hambi timbimo ta nyamsi, hambi timbimo ti titako, hambi wukoma, hambi mitamo ya txitimwi, hambi kudemba ka nzuma, hambi kuhokoma, hambi txivangwa txihi ni txihi, kha txi na mbi sikota ku hi hambanisa ni lirando la Txizimu, li nga kombekiswa ngu Kristu Jesu Mkoma wathu.

Ngu mhaka ya toneto, Moya wo Sawuleka ni wona wata wuta hi vhunetela amu ka mikaralo yathu, nguko kha hi ti zivi ati hi fanelako ku khongelisa tona mikombeloni kwathu; ngu wona wupune wu hi kombelelako, ngu tingumo to mbi balwa.

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Sekonakuwa kha ku nga ngadi ho kuabaniswa ka vale va ku ka Kristu Jesu.

Nguko kuxuva ka mmidi ngu lifo, kasi kuxuva ka Moya ngu wutomi ni kudikha

Aniko ka sotshelele siya, ha xula ka kupindisa ngu mtamo wa wule a nga hi randa.

Ngu konaho, ni pimisa ngu kutsanisa ti to sixaniso sa mbimo yiya hi nga sa txilo, kambe kha si fananiswi ni wudhumo wu hi no kombiswa.

I mani a no sikota ku hi hambanisa ni lirando la Kristu kani? Mwendo ngu sikarato, mwendo kuxupheka, mwendo kuxaniswa, mwendo tinzala, mwendo wusakato, mwendo tiphango, mwendo matxhari kani?

Se awule i ku ene a zivako ta mbiluni ka m'thu, wa yi ziva minavelo ya Moya, nguko wona wu kombelela vasawuleki ka tiya ti tsimbilako ngu nzila ya kuranda ka Txizimu.

Nguko votshe va va tsimbitiswako ngu Moya wa Txizimu, mbanana va Txizimu.

Nguko ava va tsimbilako ngu kunavela ka mmidi va khatalela sa mmidi; aniko ava va tsimbilako ngu ka Moya, va khatalela sa Moya.

Txona txi nga mbi felela Mwanana wa txona, kambe txi nga mningela ngu mhaka yathu hotshethu, ina kha txi na mbi hi ninga silo sotshe kumweko nayo kani?

Nguko ngu wona Moya wa Txizimu wupune wu hi fakazelako kumweko ni mimoya yathu, ti taku hi vanana va Txizimu. Se ngako hi di vanana, ha fanelwa kambe ngu kudya thomba: Hi vadyi va thomba ya Txizimu, hi vadyi va yona kumweko ni Kristu, nguko akuwa hi xanisekako kumweko nayo, tikomba ti to kha ditshuri hi na dhumiswa kumweko nayo kambe.

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.

Nguko ha tiziva ngu kutsanisa tito, kala ditshiku da nyamsi, sotshe sivangwa sa keta ni kukuma, nga kule ka wamsikati wu a lumwako.