Populära bibelverser från Jakobe 3

Dela

Kasi wuzivi wu wu tako ngu txitimwi, kukhata wu basile, kambe wu ni lidikho, ni wunene, ni kuengisa, kuhonisela, ni mihando ya yinene, ku ambi kana-kana, ni ku ambi kanganyisa.

I mani hagari kwanu a zivako, kambe na a di txharihile, kani? A na kombise ngu mahanyelo akwe a kutiveka hahatshi ni a wuzivi.

Mihando ya kululama yi phaywa kudikhani ngu va va hanyako ngu kudikha.

Nguko, ahawa ku ku ni wukhuxu ni mibhando, ku na tumbuluka mazunga ni totshe tixaka ta sionho.

Hi dhumisa ngu lona Txizimu, Tate, kambe hi ruketela ngu lona vathu, va va nga vangwa ka txifananiso txa Txizimu. Ngu toneto, txisofuni kumweko kuhuma kukatekisa ni kuruka. Vanathu, atiya kha ti faneli kumaheka.

Se lidimi ni lona i mndilo, nditiko do tala ngu wubihi; lidimi li vekilwe hagari ka sihango sathu, se li nyeta wotshe mmidi, li dhivela mndilo wu wu hisako wutomi wotshe wa vathu, mndilo wu bhatiswako ngu mndilo wa gehena.

Aniko lidimi, awalo a sikotako ku li fuma. Lona njilala txo mbi zumbiseka, kambe li tate ngu txhefu yo daya.

Vanathu, mi nga laveni ku bhi motshenu ngu ku ti maha vagondisi, nguko ma tiziva ti to hi fanete kuya kuthethiswani ko karata.