Populära bibelverser från Vagalatiya 6

Dela

Hi nga rerekeni kuthuma ta tinene, nguko ngu mbimo ya kona, hi na elula, ngako hi txi timisela.

Ngu konaho, he maheni wunene ka votshe vathu, na hi di ngadi ni mbimo, ngutu-ngutu ka makholwa kulothu.

Vhunanani kurwala mirwalo yanu, kasiku mi na sikota kuveketa Mlayo wa Kristu.

Mi nga ti xengeni. Txizimu kha txi sakanelwi. M'thu ni m'thu a na elula asi a phayako.

Awule a phayako so tsakisa mtumbuluko wakwe wa nyama, a na elula so sina si humako ka mtumbuluko wakwe wonewo; aniko awu a phayako so tsakisa Moya, a na elula asi si humako ka wona Moya, i ku wutomi wo mbi guma.

Vanathu, ngako m'thu a txi maneka a di mahile ta walo, anu mi ku vavanene, m'ziviseni kha kwati, na m'thu ni m'thu a txi ti wonela, kufela kunene asi wi mu kudukwani.

Nguko, ngako m'thu a txi pimisa ti to njilo, na i si nga txilo, wo ti xenga apune. Aniko m'thu ni m'thu a na wonisise mithumo yakwe, se ngu kona a no sikota ku ti dhumisa ngu mithumo yakwe dwe, i si nga ngu ku ti dinganisa ni vamwani; nguko m'thu ni m'thu a na rwala thundu yakwe.