Populära bibelverser från उत्पत्ति 3

Dela

ते ज़ैखन कौन्शां हेरू कि तैस बुट्टेरो फल खाने मां रोड़ोए, ते हेरने मां मने पसंद एजनेबालोए, ते अक्ल देनेरे लेई काबल भी आहे, तैखन तैसां तैस मरां ट्लोड़तां खव; ते अपने मुन्शे भी दित्तो, ते तैने भी तैस सेइं साथी खव।

यहोवा परमेशरे ज़ेत्रे जंगली जानबर बनेवरे थिये, तैन सेब्भन मरां सप च़लाक थियो, ते तैने कौन्शी सेइं ज़ोवं, “कुन सच़्च़े, कि परमेशरे ज़ोवरूए कि, ‘तुस इस बागरे कोन्ची बुट्टेरो फल न खेइयथ?’”

ते अवं तेरे ते इस कौन्शरे दरमियाने, ते तेरे औलादी ते इसेरे औलादरे दरमियाने मां बैर पैदा केरेलो, तै तेरी क्रोड़ी ढ्लेन्च़ेलो, ते तू तैसेरे थूड़ी पुड़ टक देलो।”

फिरी परमेशरे कौन्शी सेइं ज़ोवं, “अवं तेरी पीड़ ते तेरे गल्हे बिशनेरे दुखे खूब बधेइलो; तू तकलीफी सेइं बच्‍चे ज़र्म देली; ते तेरी खुवैइश तेरे मुन्शेरे पासे भोल्ही, ते तै तीं पुड़ हुकूमत केरेलो।”

ते अपने कुपाएरे पसीनेरि रोट्टी खालो ते आखरी मां मित्ती मां मिली गालो; किजोकि तू तैस्से मरां बनेवरोस, तू मित्ती आस, ते फिरी मित्ती मां मिली गालो।”

ते आदमे सेइं परमेशरे ज़ोवं, “तीं अपने कौन्शरी गल शुनी, ते ज़ैस बुट्टेरे फलेरे बारे मां मीं तीं हुक्म दित्तोरो थियो कि तू तैस न खेइयां, तै तीं खव, एल्हेरेलेइ धरती तेरे वजाई सेइं लानती भोवरीए। तू तैसेरी पैदावार ज़िन्दगी भर दुखे सेइं खालो

यहोवा परमेशरे पुछ़ू, “केनी तीं सेइं ज़ोवं कि तू नग्गोस? ज़ैस बुट्टेरो फल खाने जो मीं तीं ठाकोरू थियूं, कुन तीं तैसेरो फल खव?”

एल्हेरेलेइ आदम तैने केढी छ़डो ते ज़िन्दगरे बुट्टेरे बत्तरो पहरो देनेरे लेई अदनेरे बागरे पूर्वेरे पासे करूब ते च़ेवरे पासे फिरने बाली अग्गरी तलवार भी रख्खी।

आदमे अपने कौन्शरू नवं हव्वा रख्खू; किजोकि ज़ेत्रे मैन्हु ज़ींतेन तैन सेब्भी केरि अम्मा तैए।