Populära bibelverser från Xhun 16

Dela

Qatetz vall inqʼa yol sete inqʼae, tiʼ uvaʼ laʼ ekʼuqbʼa ekʼuul s-viʼ. Tul laʼ atin bʼaʼnil tetaanima. Tan mamala kuxh itzaʼlal toq etil tzitza vatz txʼavaʼ. Pet kʼuqbʼavaq ekʼuul s-viʼ, tan aʼ, in qat oleʼv in tiʼ teesal iqʼij u yeʼbʼaʼn vatz u txʼavaʼ, —xeʼt Jesuus.

Pet laʼetz ul vet viTiuxhil Tiuxh, u alol tetz vinuqul, tul aʼ uvaʼe, laʼ kʼutxhun vet jankʼal vinuqul tiʼ u quBʼaal Tiuxh sete. Tan laʼ koq kuxh txhej inqʼa yol s-kʼuul sijunal, pet aʼ laʼ tal kam uvaʼ laʼ tabʼi taʼn quBʼaal Tiuxh. Tul laʼat taqʼ etootzaqi inqʼa yol, inqʼa tuleʼ.

Yeʼxetzxh invaʼxoʼq yol etabʼi te vinBʼaal tiʼ vetatin sinkʼatza, pet abʼivaq. Tul toq taqʼ vinBʼaal sete. Echetz laʼ itzʼeq tatine u chiibʼichil sekʼatza.

Pet toq val inuqul sete uvaʼ bʼaʼnil toq elkaʼp sete uvaʼ toq bʼenoq in. Tan oq yeʼ laʼ bʼen in, tul yeʼletz u kʼuqbʼan tetz ekʼuul laʼ ul sekʼatza. Pet nik inbʼenaʼ, tul bʼen intxhaq tzaan u kʼuqbʼan tetz ekʼuul. Laʼetz ul veteʼ, tul laʼ ul ibʼokʼtzii inqʼa jit niman vetz tiʼ ibʼen s-te uvaʼ kantxhaq inqʼa paʼv uvaʼ nik ibʼaneʼ. Tul laʼat ibʼokʼtzii tiʼ ibʼanax u jikla txumbʼal. Atz laʼat ul taqʼ tootzaqi uvaʼ, tetxhal laʼ aqʼax kuʼ yol tinuqul s-tiʼ, tiʼ inqʼa ipaʼv.

Echetze ex, tan kʼuxh il ex nik etxumun s-txheel, pet toq uloq in inpaqte tiʼ etilixeʼ. Tul toq chiibʼoq etaanima s-viʼ. Tul yeʼxhabʼil vet invaʼq laʼ eesan el u chiibʼichil tetaanima. Tuulbʼaletz u qʼij uvaʼa, tul jit tetxhalen koq vet laʼ etabʼi vaʼq yol s-ve. Pet tira toq val sete uvaʼ laʼ taqʼ vinBʼaal sete jankʼal uvaʼ laʼ etabʼi s-te tiʼ vetatin sinkʼatza.

Tira toq val sete uvaʼ oqʼel toq motx ebʼaneʼ; atz toq kʼayunoq ex. Pet inqʼa xaol, inqʼa yeʼ nik niman in, tan chiibʼichil laʼ ibʼana. Pet ex, kʼuxhetz toq paloq ex t-txumuʼm, tan tetxhal laʼ bʼen vetxumuʼm s-chiibʼichil inpaqte.