Popularni biblijski stihovi iz ROMA 14

Podeli

Sabab mon Allah marenta odhi'na oreng, ponapa se kengeng eteddha otaba eenom paneka ta' penting pole. Se penting enggi paneka ngestowagi kasokanna Allah, ngalame ate ayem sareng narema sennengnga ate se eparenge Errohna Allah. Oreng se aladine Almasih sapaneka, oreng gapaneka masenneng panggaliyanna Allah, ban eargai reng-oreng laen.

Mon sampeyan sareng kaula sadaja odhi', sampeyan sareng kaula sadaja odhi' kaagem Pangeran. Ban mon sampeyan sareng kaula sadaja mate, sampeyan sareng kaula sadaja jugan mate kaagem Pangeran. Daddi, odhi' otabana mate, sampeyan sareng kaula sadaja kaagunganna Pangeran.

Daddi tojjuwanna sampeyan sareng kaula sadaja enggi paneka sabarang se madhateng karokonan ban saleng tolong kaangguy saleng makowat.

Daddi, sampeyan sareng kaula sadaja ja' saleng nyala'agi. Sabaligga, oddi ja' sampe' ngalakone ponapa'a saos se andaddiyagi sala settong dhari taretanna se saiman tagudha ban agabay dusa.

E dhalem Alketab esebbuttagi, “Saongguna,” dhabuna Pangeran, “saneyap oreng bakal asojuda e adha'anna Sengko'; ban saneyap oreng bakal ngakowa ja' Sengko' reya Allah.” Daddi sampeyan sareng kaula sadaja kodu nanggung jawab lalakonna bang-sebang ka Allah.

Oreng se ta' yakin ka ponapa se eparcaja sampeyan kodu etarema kalaban bagus e antarana sampeyan. Ja' atokar ban oreng ganeka parkara ponapa se daddi panemmona oreng ganeka.

Pasera sampeyan paneka me' ro'-noro'a ngadili oreng laen? Abdi paneka jaga otaba robbu, ganeka orosanna lorana. Ban abdi ganeka bakal manjengnga sodek, sabab Pangeran sanggup mamanjeng oreng ganeka.