Sawmus 121
121
Kiyavwiye Uhokri kis adahan wis kamaxwa givitit
1Nah sarayh nuvegi arimkanit waxribdi. Nah awna: “Pariye ayta amnihun kuri?”
2Namnihten ignewa Kiyavwiye Uhokri, ku pariye humawase waxri akak en.
3 Nukebyih, ig kis adahan pis kamaxwa givitit. Ig ka isaksati pis tuguhnek, mmanawa ner ku pariye pimaptenten ig avuriwnenekwa. Ig avanenekwa ahegbet adahan parak abet pihawkan.
4Ig izhaewyenevwi gimaptentenkis ig ka himakti, ine ig kawnata himekbetawti.
5Ig Kiyavwiye Uhokri ig pikavriwten. Ig avanenekwa ay pihumwa adahan pimaptenten.
6Kamuw ka kehpinek mbay puwivak. Kayg kawnata kehpinek mbay tiyegem.
7Ig Kiyavwiye Uhokri bayahpinek ariw madikte mbeyne. Ig ka isaksanek mbeyne danuh pit.
8Ig avuriwpinek ku aysaw pis tivikwiye hawata ku aysaw pis diyuhpiye, ku akak inin hawata avanenekwa.
Aktualisht i përzgjedhur:
Sawmus 121: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.