Sawmus 114
114
Peswiki avititak Ejitumnaw
1Ku aysaw izhaewyenevwi pese avititak Ejitumnaw, neras Jakó gihiwhivwi, ku samah igkis ikise ini waxri nawwotunye,
2Judá wageswe kiyatye hiyeg gidahan Kiyavwiye Uhokri, igkisme hiyeg izhaewyenevwi wageswebdi gikiytani gidahan.
3Ku aysaw parahwokwa Duwweh hiyep izhaewyenevwi nehmnik, in wokew adahan igkisme manukwiyes. Warik Jordão ka kamiyan akiw adahan igkisme parak avitit giwaxigkis nukune.
4Waxri imuwadminene padakvitew kewa muwtohbe. Waxri watiswebdi kewa muwtohyanbe.
5Pariye danuh pit, parahwokwa, adahan pis wokew hene? Ya pis warik Jordão, mmahki piwnra ka sigis akiw?
6Ya yis waxribdi imuwyevwi, mmahki yis watiswebdi kewa muwtohbe hawata kewa muwtohyanbe?
7Waxri, sagkanaba gavit Kiyavwiye Uhokri gaytni, givetunat Jakó giwohkiga.
8Mmanawa ig keh un pes abetitak tivebdi hawata un ariwtyak pes anavitak wayk aravwiye.
Aktualisht i përzgjedhur:
Sawmus 114: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.