Sawmus 110
110
Ikivarat kaniyka gavit Uhokri
1Ig Kiyavwiye Uhokri awna git Kiyavwiye nukivara: “Batnaba ay nuhumwa kihehaptak amun inin iwetrit kiyatye ku samah nah sibuhkisnete pivetunyavu pit.”
2 Henewatbaki nukivara, ig Kiyavwiye Uhokri kehnek pis kumaduka hiyegviyenevwi aytontak avititak Jerusalém, ig awna pitnek: “Kuwis danuh pihawkanavrik. Kumadukanaba madikte pivetunyavu kuri.”
3Abetnewa ini hawkri adahan pis keryenek gikakkis pivetunyavu, pihiyegavu ahegbetnek adahan kerka. Ke huwegbe arunrap hawkanawatnenwa, igkis pihiyegavu takwaviye ataknek pahadguhwa pimkat. Igkis kibite igkis kahayaksaw pahaye adahan hawata ke huwegbe arunrap.
4Ig Kiyavwiye Uhokri kuwis kehe gikaksan pit. Ig ka uniyah gikiyakemni niw. Ig awna: “Pis humawnek hiyeg gawnamnihtenkis adahan avanenekwa. Pikiytani kewa amekene Mewkisedekibe gikiytani.”
5Nukivara, ig Kiyavwiye Uhokri ay pihumwa kihehaptak. Ig matakasenek hiyegviyenevwi gikivarakis ta pit abetnewa ini hawkri ku aysaw ig kahayaksene gidagoni akak gihiyekemnikis amebyemni.
6Avim ini ig katiwnisanek gitkis hiyegviyenevwi, ig kamarapsanek iwetritviyene adahan kerka gikakkis hiyeg miyaravye. Ayteke nikwe ig kehenek pis matakave hiyegviyenevwi gikivarakis muwapuw amadga hawkri.
7Abetnewa ini, ayge avigku pihina, pis higapnek un dehetniye avigkutak parewni, nikwe pis kannikawnek pis tivik akak madikte pawaygi akiw.
Aktualisht i përzgjedhur:
Sawmus 110: pluPB
Thekso
Kopjo
Krahaso
Ndaje
A doni që theksimet tuaja të jenë të ruajtura në të gjitha pajisjet që keni? Regjistrohu ose hyr
© 2018, Wycliffe Bible Translators, Inc. All rights reserved.