Vargje biblike të njohura nga Nomru 14

Ndaje

Un no kaka un futu gi MASRA, èn un no mus frede gi a folku fu a kondre bika sondro muiti wi o wini den. Den no abi noti di e feti gi den, ma MASRA de nanga wi.”

‘MASRA abi langa pasensi nanga furu sari-ati. A e gi pardon fu takrudu nanga kruktudu. Ma A e strafu ala sani. A e strafu den pikin, den granpikin nanga den afopikin, fu den ogri di den bigisma fu den ben du.’

Efu MASRA abi prisiri nanga wi, dan A sa tyari wi go ini a kondre èn A sa gi wi a kondre. Wan kondre pe merki nanga oni de bogobogo.

Ma Mi sa tyari Mi knekti Kaleb go na a kondre pe a ben go èn a sa de fu den bakapikin fu en. Bika en ben abi wan heri tra ati èn a tan fertrow na Mi tapu.

Taigi den taki: ‘Na so MASRA taki: Leki fa a tru taki Mi e libi, na so Mi sa du san Mi yere taki un taki!

Dan MASRA taigi Moses taki: “Olanga a folku disi o sori Mi ete taki den no wani Mi? Olanga den o go so doro fu no fertrow Mi aladi den si ala den wondru di Mi du na den mindri?

Ala den Israelitisma bigin krutukrutu gi Moses nanga Aaron. Den taigi den taki: “Tye, a ben o moro betre efu wi ben dede ini Egipte noso dyaso ini a dreisabana!

Yosua, a manpikin fu Nun, nanga Kaleb, a manpikin fu Yefune, priti den krosi. Den tu man disi ben de fu a grupu di ben go luku fa a kondre tan. Den taigi ala den Israelitisma taki: “Wi ben go luku fa a kondre tan èn wi waka ini a heri kondre. Na wan tumsi bun kondre.

Ma Mi e taigi yu tak' leki fa a tru taki Mi e libi èn taki heri grontapu furu nanga Mi glori, no wan fu den sma di si a glori fu Mi, nanga den marki di Mi du ini Egipte nanga ini a dreisabana sa tan na libi. Na tin leisi kba den tesi Mi èn den no arki Mi. Den no sa si a kondre di Mi sweri gi den afo fu den taki Mi o gi en na den. Iya, no wan fu den o si en fu di den sori tak' den no wani Mi.