Vargje biblike të njohura nga ROMANOS 1

Ndaje

Weya mintiiꞌ nchꞌixewa tuꞌn t-xiꞌ nkbaꞌna tpocbal Cristo, cuma tzin tyeecꞌan jaja tipemal Dios. Te cyekej tzin cyocslaꞌn, ejeeꞌtzen chi cletel. Seyle judíoke oc cybiꞌn jtpocbal ja yol lu nejl, bix seyle yaaꞌn aj judíoke, pero ja yol lu at tajbel tuꞌn cyclet.

Najben tpocbal Cristo, cuma tzin tkbaꞌn ti tten tuꞌn cyoc xjal jiquen twitz Dios. Oꞌcx oj toc ke tcꞌuꞌj jun xjal tiꞌ Cristo, jiquentzen taꞌ twitz Dios. Tzin tkbaꞌn tyol Dios cyjulu: “Jiquen taꞌ jun xjal twitz Dios nuk oꞌcx tuꞌnj n-oc ke tcꞌuꞌj tiꞌ Dios,” tz̈i tyol Dios.

Telniyꞌ ti tten Dios, cuma jatxe tej tbaj tbinchaꞌnxin twitz txꞌotxꞌ jatzen tyeecꞌantexin nimxsen tipemalxin. Amale yaaꞌnt chicꞌajxin, n-el cyniyꞌ xjal tiꞌj at-xin. Oj n-oc cycyeꞌyen cykilca o bint tuꞌnxin, n-eltzen cyniyꞌ tiꞌj at Dios, bix at tipemalxin te junx maj. Juꞌ tzunj mlay chi akꞌtl xjal oj ttzaj tkꞌoꞌnxin cycastiwa tuꞌnj el cyiiqꞌuen jaxin.

Amale ot tzꞌel cyniyꞌ tiꞌj at Dios, pero min o jaw cynimsaꞌn tbixin. Min o txiꞌ cykꞌoꞌn chjonte texin, sino o cyocsla juntl xnakꞌtzbil yaaꞌn jaxxix tiꞌj ti tten tbinlen twitz txꞌotxꞌ. Tuꞌnj o cheꞌx lpeke tiꞌj yol te tzpetsalcye, biꞌx o cyaj ttzpetke tuꞌn.

Min o cheꞌx lpeke tiꞌ tyol Dios jaxxix, sino o cheꞌx lpeke nuk tiꞌj ẍtakꞌbil yol. Min o jaw cynimsaꞌn xjal tbi jxin Dios binchal cykilca, sino nuk oꞌcx cye xjal o jaw cynimsaꞌn kej tbinchbil Dios. Pero ja Dios tuꞌn tnimj te junx maj. Juꞌxit tzuna.

Yaltzen cyej xjal min tzꞌoc cybiꞌn bix nuk jaj kaꞌ nbint cyuꞌn, n-el kniyꞌ tiꞌj ctzaal castiwa tuꞌn Dios tuj cyaꞌj cyibaj. Tuꞌnj kaꞌ nbint cyuꞌn, ya mintl ncheꞌx lpe tiꞌ Dios jaxxix.

Cuma nuk ejeeꞌj tbinchbil Dios o jaw cynimsaꞌn, juꞌ tzunj o chi cyaj tcyeꞌyen Dios tuꞌn cyxiꞌ lpe tiꞌj cyajbil te chꞌixbajil. Tisen tzunkej xuuj, yaaꞌntl nuk cye xinak o chi ajbeꞌnake tisenx tten achbil, sino bix o chi jaw meltzꞌaj xuuj cyuya xuuj. Jax juꞌx ke xinak, o cyaj cykꞌoꞌn cyachbil cyuya xuuj, tuꞌntzen cyjaw meltzꞌaj xinak cyuya xinak tuya nim cyachbil cyiꞌj. Nimxsen chꞌixbajil oj cyjaw maje xinak cyuya xinak. Cuma o cyaj cykꞌoꞌn Dios, ccyiikꞌeltzen cycastiwa. Kej o tzꞌel cyiiqꞌuen Dios, tuj cywitz yaaꞌn il tiꞌj tuꞌn tel cyniyꞌ tiꞌ Dios. Juꞌ tzunj o chi cyaj tcyeꞌyen Dios tuꞌn t-xiꞌ cyiiꞌn cyex cyajbil yaaꞌn baꞌn, tuꞌntzen tbint cyuꞌn cykilca yaaꞌn tuj tumel.

O chi kban ka n-el cyniyꞌ tiꞌj, pero min o tzꞌel cyniyꞌ tiꞌj. Min o jaw cynimsaꞌn tbi Jdios mintiiꞌ tbajlel, sino nuk oꞌcx cye xjal o jaw cynimsaꞌn cyechel xjal bix cyechel chꞌit bix cyechel lbaj bix cyechel mastl alimaj. O jaw cynimsaꞌn ke xjal kej lu, pero cyimneke.