Vargje biblike të njohura nga Tes2 2

Ndaje

Ka nyan toa min kɔ́n ka yiri sã ka yɔrɔ kɔ́n nɛ wa. A giala, bɛ laan bɛ̀ a n zɛnaa, yǎa piã ka golee Lawa li-n nə we bɔrɔ, Lawa a Zɔ́ɔ babaraa kɛ dɔ nə n din nyɛɛ, asɛ mɛn doamaa bɛ́ nɛ a bɔ̀n baa.

Dɔɔ̃nɔn lɛn, Dɛnaa bɛ́ á kasɛn mɛnɛn narɛ, wɔsɛn kɛn doamaa nɛ, wɔ barka da Lawa-n biikoo tumaa li kaa lɛa. Lawa na á ka bɔ bibinaanɛ, á n die ka kirisibiɛ. A n die ka kirisibiɛ, a giala, ká a wɔn baa ka a Yiri barka nɛ, ká golee Lawa a sonbore dɔ li.

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Wɔ Di Lawa wɔ narɛ, á bǐɛ̃ kɔ wɔ ganaa á foo-doa kaka kɔ wɔ la, ka bɛ nɛ, á wɔ foo taã biɛ̃ ǹ taman yii. A din laanka wɔa Dɛnaa Yezu Krita die ǹ foo tãbaa kɔ ka la, ǹ pàã dɔ kɔ ka la ka sii sonbore zɛnaa, ka boo sonbore da biikoo tumaa li.

Bɛ lɛ na á toa, Lawa á yiri sã ǹ pàã diɛ ǹ la, màn mɛn bɛ́ toɛ, ǹ soɛ si sonbore lɛa.

Lawa a Zɔ́ɔ lɛ n die die ka *Sɛtaan pàã nɛ, á re kaãbaa ǹ sii kaka tɔrɔ tumaa zɛnɛɛ a minin yiri sã nɛ. Min mɛnɛn bɛ́ re bɔ̀n biɛ, á re baraabaa zɛnɛɛ a yɔrɔ din tumaa li, a bɛn yiri sã nɛ. Maǹ die bɔ̀n biɛ, a giala, sonbore mɛn bɛ́ ǹ kirisibiɛ, ǹ lɛ kɔ bɛ lɛ ganaa lɛlɛ ǹ nə́ narɛ wa.

A tá a piã ǹ dí lɛ gialaa nyɛɛ ka durii-n gɔrɔ. Sɛnɛ, màn mɛn lɛ bɛ́ kurii, yǎa bɛ nə n boe bii-a, siin lɛn nə tɔn nə n zɛnɛɛ.