Vargje biblike të njohura nga Sawmus 103

Ndaje

Numawkan madikte nuhiyekemni kabayhap, Kiyavwiye. Nah ka miyehkere pahatnama kabayka ku pariye pikehni nudahan.

Pisnewa bayahminan ariw madikte nutaraksan hawata pis makniwhun ariw madikte nukahribdi. Kibeyne, ig Kiyavwiye Uhokri amnihun ariw miyaka adahan nah ka biyuk giw. Ig ka gamnihrasima nukakuh. Ig hawata ka gabaysima nukakuh. Ku samah nah ay amadga inin, nah uti ka aynsima kabayka giwntak. Ig iki nawaygi, ig keh nah ka mab, ig keh nah tiviknene kewa avaknibe amerempiye.

Kiyavwiye Uhokri, numawkan madikte nuhiyekemni kabayhap! Numawkan nah kabayhap akak madikte nudatni!

Ku samah pahavwi igti ka gabaysima gikak gikamkayh, hene hawata ig Kiyavwiye Uhokri ka gabaysima gikakkis ku pariye kiyathig.

Ku samah wahamavrik aviyukan ariw uvitkiyavrik, hene hawata aviyukan ig higih utaraksanwiy wowiy.

Ig Kiyavwiye Uhokri ignewa ka gamnihrasima, ka gabaysima. Ig ka giyaknisima ukakwiy; ig ahegbetnenekwa adahan kehne kabayka udahanwiy.

Wixwiy kis adahan ig hiyapkis ka aynsima mbeyne wotwiy avatra utaraksanwiy, heneme ig ka keh hene. Kibeyne ig amnihpewiy, ig ka katiwnisa utaraksanwiy wotwiy ku samah amawkan. Ku samah en ka aynsima aviyukan ariw waxri, hene hawata gamnihra ka aynsima ukakwiy wixwiy ku pariye kiyathig.

Ig Kiyavwiye Uhokri bat kumadukene aynte inurik. Ig kumaduka madikte hiyeg inurikyenevwi, hawata madikte hiyeg ay amadga inin.