Mavhesi emuBhaibheri Ane Mukurumbira kubva kuna JOHANNES 15

Pakurirana nevamwe

“Ek is die wingerdstok, julle die lote. Wie in My bly en Ek in hom, dra baie vrugte, want sonder My kan julle niks doen nie.

Julle moet in My bly en Ek in julle. 'n Loot kan nie uit sy eie vrugte dra as hy nie aan die wingerdstok bly nie; en so julle ook nie as julle nie in My bly nie.

As julle in My bly en my woorde in julle, vra dan net wat julle wil hê, en julle sal dit kry.

Julle het My nie uitgekies nie, maar Ek het julle uitgekies en julle aangestel om uit te gaan en vrugte te dra, vrugte wat sal hou. So sal die Vader aan julle gee wat julle ook al in my Naam vra.

Niemand het groter liefde as dit nie: dat hy sy lewe vir sy vriende aflê.

Elke loot aan My wat nie vrugte dra nie, sny Hy af; maar elkeen wat vrugte dra, snoei Hy reg, sodat dit nog meer vrugte kan dra.

Dit is my opdrag: Julle moet mekaar liefhê soos Ek julle liefhet.

My Vader word juis daardeur verheerlik dat julle baie vrugte dra en my dissipels is.”

“Ek is die ware wingerdstok en my Vader is die boer.

As iemand nie in My bly nie, word hy weggegooi soos 'n loot en hy verdroog. Die mense maak sulke lote bymekaar en gooi dit in die vuur, en dit verbrand.

“Dit sê Ek vir julle sodat my blydskap in julle kan wees en julle blydskap volkome kan wees.

As julle my opdragte uitvoer, sal julle in my liefde bly, net soos Ek die opdragte van my Vader uitvoer en in sy liefde bly.

Dit beveel Ek julle: Julle moet mekaar liefhê!”

As julle aan die wêreld behoort het, sou die wêreld julle as sy eiendom liefgehad het. Omdat julle egter nie aan die wêreld behoort nie, maar Ek julle uit die wêreld uitgekies het, daarom haat die wêreld julle.