Mavhesi emuBhaibheri Ane Mukurumbira kubva kuna Matayu 6

Pakurirana nevamwe

Hinu, mhakuli huti unkosi wa Sapanga na kulikala kwa kukovekela vila angupala na hagha hyogha mteyongeselwa.

Hinu mkotoho kughasikila kilau, kwaikiva kilau itewela na maghaso ghaki gha kilau, kila lichuwa linguwela na maghaso ghaki.

Kwa nagha, ninguwalongela yiwa mkotoho kughasikila ngalilu gha mwenga, yiwa mtelyegha niki au kunywegha niki, au mtevala niki, ghuli, ngalilu ni gha kughasikilwa ng'ogha kupiti mulyo, na mhigha wa kughasikilwa kupiti nguu?

Ila wenga pauyupa, uyingili mkyumba kyaku, utati mlyango, na hinu umluwi Tati ghako wa mkifisu, na mweni atekupegha hupo ghako.”

Hinu, nagha ndiwa mngupalwa kuyupa, “Tati wa twenga mweni kulikala kundumba, lihina lyako lisifilwi.” Unkosi ghako uhike, yala unguyapala ndiwa yagholeki, kundumba hilahila haku kumlimawogha.

Utupeghi lelo mulyo wa kila lelo.

Utulekiseli sambi tusighola, handa na twenga vila tungulekesela mahakata ghala wangutugholela wandu waghangi.

Ukotoho kututaya mmayesu, ila utulokoli na yula mhakata, Kwaikiva unkosi ni wa wenga, na makakala na ukulu hata machuwa hyogha bila mwihu.

“Kwaikiva pamuwalekesela wandu mahakata ghao, Tati wa mwenga wa kundumba hilahila atewalekesela na mwenga.”

Muwaloli mbongu wa kunani, hagha wangukulila ng'ogha na kubena au kuvika ngoko, ila Tati wa twenga wa kundumba anguwapegha mulyo. Ghuli, mwenga wakughasikilwa ng'ogha kupiti hagha wambongu?

“Mkotoho kujivikila ngoko haku kumlimawogha haku kweni sondu na kutu weni kuwesa kukongonyola, na mwihi kuyingila na kuhija.” Mjivikili ngoko kundumba haku sondu na kutu wanguwesa ng'ogha kukongonyola, wala wahija wanguwesa ng'ogha kuyingila na kuhija. kwaikiva pala ngoko ghako iwela, ndiwa na moyu ghako utewela.

“Kwahela mundu anguwesa kutumikila mabambu waivili. Kwaikiva atemhyomela mmonga na kumpala hayu waivili, au atekonganika na mmonga na kumpughanya yula ghangi. Muwesa ng'ogha kumtumikila Sapanga na unaisa pamonga.”

Hinu ikiva Sapanga anguyavwalisa nagha manyahi gha mlitawa, yala tunguyalola lelo na kilau yangudangwa kulyoto, ghuli, atewavwalisa ng'ogha mwenga weni ukwinila msokombi?

Ila wenga paumtanga mundu kapuku, ugholi kwa kifisu, hata mundu yoyosi akotoho kumanya, umtangi mundu bila wandu kumanya, na Tati wa wenga yula angulola ghala gha mkifisu, atekupegha hupo.

“Mkali mihu mkotoho kughola matendu maha kuulongolo gha wandu lli wawaloli. Kwaikiva pamghola nagha mtewela ng'ogha na hupo kuhuma kwa Tati wa mwenga wa kundumba.”

“Pamuwopa kulyegha mulyo, mkotoho kulangiha handa vila wangughola wambindingu, weni kughalambula wuso wawoneki wangulumbilila. Wapati kuloleka na wandu yiwa wawopa. Chakaka ninguwalongela yiwa weni wapata kala hupo ghao.” Ila wenga pauwopa, upakali mutu ghako mahuta, na kukula wusu ghako, ili mundu yeyosi akotoho kumanya yiwa unguwopa, ila umanyiki na Tati ghako wa mkifisu hela na mweni atekupegha hupo.