1
مَتّایِ انجیل 16:10
کتاب مقدس به زبان گیلکی - گویش رشت و غرب گیلان
GIL
«من شمرأ گوسفندانِ مانستن گُرگ ئانِ میان اوسِه کونم. پس لانتی مانستن واخُب بیبید و کوترِ مانستن فقیر.
Yenzanisa
Ongorora {{vhesi}}
2
مَتّایِ انجیل 39:10
هر کی بخوائه خو جانَ قایم بدَره، اونَ جه دَس دئه و هر کی خو جانَ می واسی جه دَس بده، اونَ ایواردِه بدس خوائه اَوردن.»
3
مَتّایِ انجیل 28:10
اوشانِ جا کی جانَ کوشید ولی نَتانید روحَ فیگیرید نترسید؛ اونِ جا بترسید کی تانه هم شیمی روح و هم شیمی جانَ، جهندم درون هلاکَ کونه.
4
مَتّایِ انجیل 38:10
هر کی خو صلیبِ اونسانه و می دُمبال نایه، می لایق نیه.
5
مَتّایِ انجیل 32:10-33
«هر کی مردومِ ورجه اعتراف بُکونه کی مَرا ایشناسه، منم می پئرِ ورجه کی آسمانِ درونِ، اونَ اعتراف خوائم کودن؛ ولی هر کی مَرا مردومِ ورجه حَشا بُکونه، منم می پئر ورجه کی آسمان درونِ، اونَ حَشا خوائم کودن.»
6
مَتّایِ انجیل 8:10
ناخوشانَ شفا بدید، مُرده ئانَ زنده بُکونید، خوره بیگیفته ئانَ شفا بدید و دیوانَ بیرونَ کونید. مُفت فیگیفتید، مُفتم فَدید.
7
مَتّایِ انجیل 31:10
پس نترسید، چونکی شیمی ارزش جه هیزاران چیچینی ویشترِ.»
8
مَتّایِ انجیل 34:10
«خیال نُکونید کی باموم تا آشتی زمینِ سر باورم. ناموم تا آشتی باورم، بلکی شمشیر باورم!