1
اِنجیلِ مَتّی 7:7
کتاب مقدس به زبان مازندرانی - گویش غربی
WMB
«بَخواین گه شِمارِ هادا وونِه. بَگِردین، گه اَنگیرِنی. دَر بَزِنین، گه دَر شِمِه رو پِی وونِه.
Yenzanisa
Ongorora {{vhesi}}
2
اِنجیلِ مَتّی 8:7
چون هر کی بَخواد، گیرنِه و هر کی بَگِردِه، اَنگیرنِه و هر کی دَر بَزِنِه، دَر ویسِه پِی وونِه.
3
اِنجیلِ مَتّی 24:7
«پَس هر کی می گَبِ اِشنُنِه و اونِنِه عَمل کِنِّه، یَتِه عَقلدارِ مَردی ای تَرائِه گه شی خِنِه رِه سَنگی سَر بَساتِه.
4
اِنجیلِ مَتّی 12:7
دیگَرونی هَمرا هَمونجور رَفتار هاکِنین گه خواینِنی شِمِه هَمرا رَفتار هاکِنِن. هَینِه، دِشتِه تورات و پیغَمبَرِنی بَنوِشت.
5
اِنجیلِ مَتّی 14:7
چون هون دَر تَنگِه و راهی گه زندگی ای سِه خَتم وونِه سَختِ و اونانیگه اونِه اَنگیرِنِه کَمِنِه.
6
اِنجیلِ مَتّی 13:7
«تَنگِ دَری جا دِلِه بورین، چون دَری گه کِما و راهی گه گِشادِ مَرگی سِه خَتم وونِه و اونانیگه هَین راهی جا شونِنِه خِیلینِه.
7
اِنجیلِ مَتّی 11:7
پَس اگه شِما گه اَنّی بَدِنی، دِنِّنی چِتی شی وَچیلِه رِه خِبِ چی هادین، پس چَنّی ویشتَر شِمِه آسِمونی پیر خِبِ چیارِه هر کی گه بَخواد دِنِه.
8
اِنجیلِ مَتّی 1:7-2
«کَس دییَرِ قِضاوَت نَکِنین تا شِمارِ قِضاوَت نَکِنِن. هَمونجور گه شِما کَس دییَرِ قِضاوَت کِنِنی، شِه شِمارِ هَم قِضاوَت کِنِنِه. هر مَنَّری هَمرا هادین، هَمون مَنَّری هَمرا عَوَض گیرِنی.
9
اِنجیلِ مَتّی 26:7
«ولی هر کی می گَبِ بِشنُئِه و اونِنِه عمل نَکِنِه، یَتِه بی عَقلِ مَردی ای تَرائِه گه شی خِنِه رِه شِنی سَر بَساتِه.
10
اِنجیلِ مَتّی 3:7-4
چه کَمِل ذِرِّه گه تی بِراری چِشی دِلِه دَرِه رِه وینّی، ولی گَتِه چویی گه شی چِشی دِلِه دارنی رِه نَوینّی؟ یا چِتی جِرأت کِنّی شی بِرارِه بُئی: ”اِجازه هادِه کَمِل ذِرِّه رِه تی چِشی جا دیرگا بیارِم،“ اِسا شِه یَتِه گَتِه چو شی چِشی دِلِه دارنی.
11
اِنجیلِ مَتّی 15:7-16
«دِردِرو پیغَمبَرِنی جا دوری هاکِنین گه گِسَنی جِمِه ای دِلِه شِمِه وَر اِنِنِه، ولی شی باطِنی دِلِه دَرَندِه وِرگِنِه. اونانِه وِشونی میوِه ای جا اِشناسِنِنی. مَگِه وونِه لَم تَلی جا اَنگور و کَنگَری جا اَنجیل بَچیئَن؟
12
اِنجیلِ مَتّی 17:7
هَینجور، سالِمِ دار خِبِ میوه اُرنِه و آفَت بَزِه دار بَدِ میوه.
13
اِنجیلِ مَتّی 18:7
سالِمِ دار نَتِنِّه بَدِ میوه بیارِه و آفت بَزِه دار نَتِنِّه خِبِ میوه بیارِه.
14
اِنجیلِ مَتّی 19:7
داری گه خِبِ میوه نیارِه، اونِه وِرینِنِه و تَشی دِلِه دیم دِنِنِه.