Mavhesi emuBhaibheri Ane Mukurumbira kubva kuna Romu 8

Pakurirana nevamwe

Ko gita taqe gigilai sa tadira qai roroqua na Tamasa sa isa sa roitiniria doru sakasava pana soana sa votua na jongana, ko sa roiti vei inara sisa pana tadira sa kukuria ura isa sa na ona nyorogua isa pana tadira.

Ara qa vagigila vatalea sa kepore sosoto sa kai sa mina boka pikata palenigita pana vairoqu tana Tamasa. Nake mate babi na toa, nake ira na mateana babi ira na bangara pa vavagalo eqa, nake sakasava pana totoso kopira babi na sakasava vuka risa, nake ira qai isongo gogoto neqi pana kasia gusu api, nake ira pa narena na kasia gusu babi ira pa kauruna na kasia gusu, sa mai boka pikata palenigita gita pana vairoqu tana Tamasa isa sa tabata votu pana ti Jisu Karisito na oda Bangara.

Ko pana soana vei tugu na oda vera gegele sa vamauru poni sa na Gagala ba sa lame tugu somana tokanigita tonai taqe munyala. Taqeke gigilai ai sa na tuvisina tana vavara vei gita, ba na Gagala Tabuna mekana sa vavara tokanigita pana kei vitigi sake boka tapoja pikata pana paranga.

Ego ko na sa tanagu sa gita tonai tana dogororia sira doru sakasava sa roiti vanigita na Tamasa aipira. Na Tamasa sa tei roiti vanigita tu, ko i sei mina boka vakilasagita sa vei?

Ego ko kopira na Tamasa minake pituria na vakilasaria sira qai kole kame tavitia i Jisu Karisito.

Na juno roqu totonia na nyorogua ikikeredi tana na toa tini sa sa vuania na mate, goto na juno roqu totonia na nyorogua tana Gagala sa vuania na toa beto na bule.

Ba tonai taqe tomeria sira na tapata aipira sa gita taqeke tavakilasa goto sa vavarenegita tu na Karisito isa sa roroqugita.

Ara qa vasosotoa sa na vitigi taqe gosororia gita pana totoso kopira sa sake pada ko tana dogoro matagutuniria ura na vinalavata kode tana tekua gita sa na lavatana jola.

Bi mija sosoto tu sa kai tinoni babi kai sakasava mina boka pikata palenigita gita pana vairoqu tana Karisito. Tonai tu taqe gosoria na tapata ko taqe takulanga, tonai taqe takomiti ura taqe rangea na Karisito, taqe gosoria na songe, sa keporenigita na poko, taqe gosororia na sakasava vaivamatedi, babi tabe tavamate tu, ba na Tamasa sake beto roroqugita sa gita.

Ko na Tamasa isa sa tiro kamua na bulo tinoni sa gigilaiona sa na sa sa na roroqu tana Gagala, ko na Tamasa sa gigilai sa na Gagala sa vavara tokaniria sira na tinoni tana Tamasa pana soana vei sa nyoroguania na Tamasa.

Ura ira doru qai korapa tatoli pana Gagalana na Tamasa sa ira tugu sa na tuna na Tamasa sira.

Ira qai toania na nyorogua ikikeredi tana na toa tini sa na sakasava ikikeredi tana toa tini sa qai kole roroquria, goto ira qai toania na nyorogua tana na Gagala sa na sakasava tana Gagala sa qai kole roroquria.

Na Tuna tu mekana ba sake aru mulenia goto sa valageria ko sa mate vanigita gita doru, ko ai vei kode minake boka vatamo vanigita mutugu sira doru vaivana jongadi?

Na Gagalana mekana na Tamasa sa somana ule votunia vei sa pojai na gagalada gita sa gita sa na koburu tana Tamasa. Ko kopira na koburu tana Tamasa sa gita ke, ko kode tana somana isongoria tugu sira na mana sa vakole kale vaniria na Tamasa ira nona tinoni. Ego ko kode tana somana isongoria sira na mana sa vakoleria na Tamasa ke, ko kode tana somana isongoria tugu sira na mana vei tugu na Karisito sa isongoria. Ko vei tana somana gosoria gita sa na vitigi tonai tana roitinia na roiti jongana sa vei na Karisito, poni sa kode tana somana tavalavata tugu sa gita.

Ko sa vei sa na tinoni sa juno roqu totonia na nyorogua ikikeredi tana na toa tini sa sa kanai sa na Tamasa, ura isa sake vatabea na Vavanau tana Tamasa, beto ko sa kepore tugu vei na ona neqi ko mina boka vatabe.

Doruna na vinapodaka sa korapa nyorogua vivitiginia beto sa korapa vera vatalenia sa na totoso tonai na Tamasa mina ule votuniria sa ira na tuna sosoto.

Taqe tei gigilaioda tu gita sa podalai tu pa moa ko sa kamua kopira sa na vinapodaka doruna sa gosoria na vitigi ko sa mekarai kei, sa kole kei vei na rereko sa vivitigi ko sa tata vaivapodo.