Mavhesi emuBhaibheri Ane Mukurumbira kubva kuna Episasi 6

Pakurirana nevamwe

Ura nake tinoni sa koleria na masa na orungu sa taqe rajaria gita, goto ira tu na okoto babangara na okokoto neqi, na gagala ikeredi qai bangara pa kasia gusu pana totoso rodomo pira, beto ira na gagala ikeredi pa vavagalo eqa.

Doru sakasava aipira sa mu vatavitinia na vavara beto na tetepa lao tana Tamasa. Doru totoso mu vavara pana vaitoni tana Gagala Tabuna. Ko vei beto muna boka roitinia agou sa vei isa sa muke suvere muma beto muke koroto vavara tokaniria sira na tinoni tana Tamasa.

Mu vasaeria sira doru sakasava vaipera tana Tamasa, ko mu boka turu vangajuria sira na boko vinaturu ikikeredi tana bangaradi ira na tomate ikikeredi.

Ko sa vei isa sa mu vasaeria sira doru sakasava vaipera tana Tamasa, ko mu boka turua na mua tuturuna pana rane ikeredi beto tonai mina jola sa na vaipera poni sa muna korapa tugu turu varenemiu sagou.

Doru totoso mu pogoso veinia na naqe sa na miu rarange lao tana Tamasa, ko na rarange isa sa muna boka taleniria sira na tupi vuvurungudi tana isa na kutana nikerena. Mu teku soba veinia na tarapae vaipera pana batumiu sa na vinasosotona qu tei tekua tu agou sa na inaalo tana Tamasa, beto mu arua ko mu varoitia sa na paranga tana Tamasa isa na benete tana Gagala Tabuna.

Ko vei sa mu turu ko mu doko vamaurunigou vei na beleti sa na toa sosotona, beto mu vasae veinia na poko sa susuqutia na raraqomiu sa na uana tuvisina. Mu soba veinia na buti vaipera pana nenemiu sa na vanaqitina ko muna vareregia na nongoro jongana veveina na bule tana Tamasa.

Ego pana vinaokotona sa, agou mu pasusu vaneqi lao tana Bangara beto pana ona neqi lavatana jola.

Na garunu tana Tamasa sa pira sau, <<Mu valavataria na tinamiu na tamamiu,>> ura isa sa na garunu momoe sa kolea na taringunguti jongana, ko na taringunguti isa sa pira sau, <<Ko vei sa muna toa vatale beto muna toa vakakasa pa peso,>> sau.

Agou na koburu, sa mu vataberia na tinamiu na tamamiu pana toa tutina na Bangara, ura isa sa na tuvisi.