Mavhesi emuBhaibheri Ane Mukurumbira kubva kuna Episasi 5

Pakurirana nevamwe

Ko sa vei isa sa mu doro tutia na uana tana Tamasa, ura na ona koburu sa roroqu vivitigigou isa sagou. Ko na vairoqu sa mi gaitia sa na miu toa, kai muqisi podeke vei na Karisito sa roroqugita ko sa vania na ona toa mekana pana laedagita. Ko isa sa na vaivana beto na vavakukuvu sa umanga jonga ko sa vaqerai na Tamasa.

Ko sa vei sa mu suvere vainongoro vatalenia na miu toa susuvere. Muke toa vei ira na tinoni rururadi, goto mu suvere vei tu ira na tinoni tavagigaladi. Mu aloria sira na totoso ura qai korapa ikeredi sira na rane pira.

Muke buku vadigerenigou na vaini, ura na toa vei isa sa kode mina ngangulugou; goto mu tavapugelenia tu agou sa na Gagala Tabuna. Mu kole vaivavakatoniria sira na kera vinatarasae, na kera lotu, beto na kera tabuna; beto muke aru mulenia na bulomu tonai mu vatarasae na Bangara pana kera beto na kera vinatarasae. Beto pana korapana na isongona na oda Bangara i Jisu Karisito mu paranga jongana laonia doru totoso tana Tamasa na Tamada sira doru sakasava taqe gosororia.

Ko sa vei sa muke suvere vei ira na tinoni duduvilidi, goto mu gigila vatalea tu sa isa na roiti sa nyoroguania na Bangara ko muna roitinia agou.

Agou na iviva marene mu roroquria sira na maqotamiu kai muqisi podeke vei tugu na Karisito sa roroqu veinia na ekelesia ko sa vaivanania na ona toa mekana.

Perangaina na tinoni rodomo sagou, ba kopira na tinoni pa kabere tu sagou ura qu gigilai na Bangara. Ko sa vei sa mu toa vei na tinoni sa suvere pana kabere sagou.

Ego mu vaituti viketai lao lame pana miu toa pangagana na Karisito.

Agou na iviva rereko mu tuti vaiketeria sira na marenemiu vaitoto vei tugu qu tuti veinia na Bangara.

Ba agou ba sa uligou tugu sa na paranga api. Ko sa vei sa na iviva marene mi roroqu veini na tinina mekana sa na maqotana, beto na iviva rereko sa mi pangagania na marenena.

Ko sa vei sa pira sau na Kukuti Tabuna, <<Sa vei sa mina loai na tinana na tamana sa na marene ko mina suvere tavitia sa na maqotana, ko ira karu sa mai suvere kame,>> sau.

Ko muke somananiria na roiti rodomodi kepore na vua jongadi, goto mu uduku votunia tu pa kaberena sa na dia roiti ikikeredi.