Mavhesi emuBhaibheri Ane Mukurumbira kubva kuna Ɔrɔmutɔnŋ kiri 8

Pakurirana nevamwe

Yibɛɛ ǹʼtɔ-i tu Kirinŋ i bi kiri bataa rapwulu-la, nwɔma a bidintɛtɔnŋ kiri maku i shɔ, ŋì nini wɔ̀ri dɔri-i, ŋì i kɛɲɛ a yɛrima ki wɔ bi gbɛbilimaan ki wu.

Míŋ bili-i ǹʼna, tu hali beŋ ki walima ɲaninkulutɔnbi ki, walima mɛlɛkɛn kiri, walima ŋununtinbi kiri, walima juniɲa nu dɔnsaŋ finŋ kiri fa finŋ na wɔ kiri, walima sotinbi kiri, walima kirinpɔli la finŋ kiri, walima pwɔkulinŋ fɛ finŋ kiri, ŋì i ta bo Kirinŋ wɔ finŋ pomaan kwuru tɔri kiri bataa sun, nini tɔri tenŋ a so yibɛɛ po san-i Kirinŋ wɔ bidintɛbi ki ru kì, ŋì ninwɔ̀ ji-i yibɛɛ wu yi Ŋuntiŋ Yesu Kirisa baraka ra.

Niŋ ɲaan ki tɛ, Ɲiniwɔlinŋ ki i ye-a yibɛɛ tɛ yi waa ǹʼna bi kiri ra, sabu yibɛɛ ǹʼnafɛ tanka ɲaantɔ-a kì, nka Ɲiniwɔlinŋ ki yɛrima ki i nafɛ ki tan-a yibɛɛ tɛ, cɔɔn wulu li lu, koŋ so-a nwɔ̀ri bi-i kì.

Yibɛɛ ra nfɛnŋ bi kili sa? A Kirinŋ ji yibɛɛ fan, nkɛnŋ a so yibɛɛ kari-i kili.

Dɔnsaŋ, nwɔ̀ri fa Yesu i tenŋ i, Kirinŋ a kiti ki fɛɛn nini sun kili kì.

Konwɔtiŋ ɲakili ki i tu-a a yɛri ki dintɛ bi kiri ra, niŋ i beŋ ki so-a ntiŋ sun, nka konwɔtiŋ ɲakili ki i tu-a Ɲiniwɔlinŋ ki dintɛ bi kiri ra, niŋ i ɲaninkulutɔnbi ki fa ɲaanfɛfili wɔri-ra nintiŋ tɛ.

Nka, niŋ fa a fɔn na, yibɛɛ bidi-i nwɔ̀ tɛ, niŋ yibɛɛ ji-i so kilatɔnŋ sinaŋ ni i.

Mɔ́ɔ́n jaka ɲaan ki tɛ, Kirinŋ a na nɔɔri wɔ̀ ji yibɛɛ wu, yibɔɔ dɔnsaŋ cɔɔri kiri ra so pyi-i niŋ wu kì.

Nfɛnŋ a so yibɛɛ po san-i Kirisa wɔ bidintɛbi ki ru sa? Ɲaanfɛkwulu bi kiri daa, walima ciirufɔnɔbi kiri? Koŋ wɔ cɔɔri kiri daa, walima bɛɛ sinaŋ ki? Gbɛwɔbi ki daa, walima kɛmi bi kiri fa beŋ ki?

Kirinŋ wɔ̀ ki i konanmini ciiru ki tɔ-a, ninki i Ɲiniwɔlinŋ ki dintɛ bi ki tɔ-a, sabu Ɲiniwɔlinŋ ki i nafɛ ki tan-a Kirinŋ wɔ wɔlinŋ kiri tɛ, ŋì i kɛɲɛ Kirinŋ dintɛ bi ki wu.

Sabu, Kirinŋ ɲini ki i koŋ finŋ woo finŋ jɛnpa-a, nini i Kirinŋ daŋ ni i.

Sɛli ki ra, konwɔtiŋ i tiri kɛɲɛ-a a yɛri dintɛ bi ki wu, nintiŋ ɲakili ki i tu-a niŋ bi kiri ra, nka konwɔtiŋ i tiri kɛɲɛ-a Ɲiniwɔlinŋ ki dintɛ bi ki wu, nintiŋ ɲakili ki i tu-a Kirinŋ wɔ bi kiri ra.

Kirinŋ a kaan a yɛrima ki Danshuru ki wɔ cɔɔri ki sun kì, nka ŋì ǹʼwɔri-i beŋ ki tɛ yibɛɛ bataa bira, nfɛnŋ na, ŋì a finŋ bataa wɔri yibɛɛ tɛ ǹʼgbansanŋ i kì?

Kirinŋ ɲini ki fa yibɛɛ ɲini ki i ǹʼbi-a yibɛɛ tɛ, tu yibɛɛ ji Kirinŋ daŋ ni i. A yibɛɛ ji ǹʼdaŋ ni i, yibɛɛ i ǹʼkanishitɔnŋ ni i sɛbɛ. Yibɛɛ i Kirinŋ kanishitiiri i, yi fa Kirisa i ji kanishishi ri i, sabu a yibɛɛ ji cɔɔri Kirisa fan, yibɛɛ fa ntiŋ a nɔɔri ki kila yimaŋ fan sɛbɛ.

Konwɔtiŋ ɲakili ki i tu-a a yɛri ki dintɛ bi kiri ra, ntiŋ i ji-a Kirinŋ ɲa a, sabu ntiŋ a a kulu Kirinŋ wɔ sariya ki tɛ kì, ntiŋ yɛri so-a kì.

Kirinŋ a na a daŋ kiri ji jibi wɔ̀, Kirinŋ wɔ finŋ pomaan ki bataa kɔrɔtɔmaan i niŋ jibi ki sunsuu-ra.

Yibɛɛ ǹʼtɔ-i tu fɔ ŋì i na so jiŋ sun, tu Kirinŋ wɔ finŋ pomaan ki bataa i a cɔɔn-na cɔɔri ki gbɛɛra, miŋ tu mari ciitiŋ jɛrimaanna.