Mavhesi emuBhaibheri Ane Mukurumbira kubva kuna Maˍkuˆ 14

Pakurirana nevamwe

Oˇ, ga vangˉ veuˉ, naˇ hkaˉ hko laˉ hko na ang taeng hkiˍ yaˇ. Tuk naeˉ hpan naeˉ kawkˆ hkak ningˉ na piˉ caeˉ lao. Hta yao muiˉ, ga a loˍ laˍ mae baˍ aˍ nae nang a loˍ laˍ mae piˉ hpeuˍ laˉ voˍ nae ang buinˉ paˉ jiˉ.

Nawng hpawngˍ naeˍ uiˉ hkaoˉ veu baˍ yaˍ aeˉ naeˉ uiˉ saˍ laiˍ ang buinˉ paˉ yao hawˍ bao. Nawng vaˍ siˍ naeˉ uiˉ nuing ba ca yao muiˉ, ang saˍ mangˉ kaˉ seu kaˍ dawˍ naeˍ yaˇ nae yang Peˍtruˆ na ha biˍ jiˍ.

Ga nawng na maˉ manˉ nae hkai hkaemˍ laˍ vaˍ. Nuingˉ chaˍ htaˍ nawˆ mawnˍ pyawˉ naeˉ uiˉ ang buinˉ tangˍ maˍ kyaˍ veu aˉ keung na baˍ upˍ hkaˍ ba yaˍ ningˍ mangˉ ha jiˉ kanˉ ningˉ na hao cuiˍ yaˍ camˉ yaˍ yao hkai kyaˍ lang naeˉ yaˇ nae ha biˍ jiˍ.

Ga ang hkawˍ laˉ maˇ mawng htaw yao siˉ lanˍ jaˇ. Ningˉ keung sa tiˍ tangˍ nae hawˍ yao ca voˍ nae yawng na ha biˍ jiˍ.

Yawng caˍ yao ca beu, yang hkaoˍ munˉ yangˍ yuˉ yao ang buinˉ na chiˍ mawng laeˍ jiˍ. Peunˉ na yao, yang hkaoˍ munˉ hingˉ hpaetˍ yao yang ta peˍ uiˍ na piˍ jiˍ. Hkaoˍ munˉ ningˉ ngaˍ ga beu ang to yangˍ ngaˇ. Yuˉ yao caˍ bao nae ha biˍ jiˍ.

Kawkˆ hkak hingˉ na muiˉ yang yuˉ yao, ang buinˉ na chiˍ mawng peunˉ yao, yawng na piˍ jiˍ. Yawng hkaˉ hko laˉ hko kawkˆ hkak hingˉ na tangˉ jiˉ. Peunˉ na beu, yang ciˍ jiˍ. Kawkˆ hkak ningˉ ngaˍ ka tiˍ saˉ caˉ ang suiˍ na chaˍ lang naeˉ ga beu siˍ yangˍ ngaˇ. Siˍ ningˍ nga changˉ ang byaˍ saˍ laiˍ hkaˉ naeˉ yangˍ ngaˇ nae ha biˍ jiˍ.

Haeˉ mae beu, Yeˍsuˆ yawng na ha biˍ jiˍ. Nawng hkaˉ hko laˉ hko ga na chiˉ saˍ laˍ naeˍ. Aˉ mae yao nae baoˇ, soˉ po naeˉ mangˉ na ga tuiˍ saeˍ yao, soˉ htiˍ baˍ uiˍ hpakˍ lang yao htiˍ tawngˍ veu htiˍ mangˍ hpangˉ naeˉ nae, Camˉ lik hkaoˉ veu taemˉ jiˉ.

Hta laˉ bao. Aeˉ baiˉ seuˍ. Hu bao. Ga na saˉ caˉ tiˍ chaw nae mangˉ langˉ byaˇ nae ha biˍ jiˍ.

Yeˍsuˆ maˇ, Ga nawng na maˉ manˉ nae hkai hkaemˍ laˍ vaˍ. Miˉ hkiˍ hya hpaˍ nyiˍ cangˍ baˍ tanˍ ngangˉ beu, naˇ ga na sumˍ cangˍ paek taw laˍ naeˍ nae ha biˍ jiˍ.