Mavhesi emuBhaibheri Ane Mukurumbira kubva kuna Looma 8

Pakurirana nevamwe

Bisu liyaabi ti, pasi bisiha bibavangama mu libwe la ba batondo Nzambi, na ba nde hateele we bu huli kesili a nde.

Eye, me ndi na tadi ti, a hu bibaayaka na dyambu tso limosi, bibaayaka luutwala utahula bisu na litondo la nde ve: tso lipfu, tso moonyi, tso bapofi, tso bipfumu, tso taangu a loloyi, tso taangu yi yili mu uya, tso matwala ma pila mu pila, tso matwala ma hu yulu, tso ma ŋa toto, tso pasi iloho hi Nzambi havanga. Isiha tso imosi utwala utahula bisu na litondo, bibaayaka Nzambi hamweesi bisu mu Yisu Kristo Pfumu a bisu ve.

Bumosi kaka, Livupu la Ngidi libaya mu ukumbasa bisu, mu tooni ati, bisu lili na ikolili. Buuna, bisu a liyaabi usambila we bu hwafwana ve. Ka Livupu lo mwakulu libasambila Nzambi mu tooni a bisu, na nzayiini yi pasi muutu huveletwala uyabisa.

Buuna hima lubwelelaani? Tso Nzambi bibaayaka wa bisu, na utwala uvanga bisu bibaayaka libi?

Bunuubu, boosi ba babaambana na Yisu Kristo a bubweyaka tsyembili ve.

Manzala ma musunya mubabita hu lipfu. Ka usalila manzala ma Livupu, hubava moonyi na hyenze.

Ka mu mambu mo maana moosi, bisu laafulala mbiingili mu tooni a nde wuuna wu atondo bisu.

Me ndi mu utsima ti, utwala uyelemese mapasi ma taangu mo yiniiyi na muyusu a hu busu, wu Nzambi humweese bisu paayalala ve.

Na utwala utahula bisu na litondo la Kristo? Mapasi, minyongi, mbingisili, nzala, pene, busisu vo lipfu?

Na Nzambi wu ubafundala idongi hi mitima, ubabangula ma Livupu la Ngidi ubatondo uvondo. Mu tooni ati, Livupu libasambila mu ba nde, we bu Nzambi ubatondo.

Ni mu buuna, baatu boosi ba Livupu la Nzambi libaasuungaha, bali bana ba Nzambi.

Eye, ba bali mu udyata mu matsimi ma imuutu, bo bubaasalila manzala ma musunya, ka ba bali moonyi mu Livupu la Ngidi, bali mu usalila manzala ma Livupu.

Nde wu avelitahula Mwana a nde mwakulu, ka nde ayehuli nde mu bisu boosi, buni nde huveleva bisu byosi itwadi na Mwana a nde?

Livupu la Ngidi libata imbangi lo mwakulu huli livupu la bisu ti, bisu lili baana ba Nzambi. Eye, tso bisu lili baana ba Nzambi, bisu kaka ni babyalili ba mukobe! Eye! Babyalili ba mukobe a Nzambi. Mukobe wu luukabasana itwadi na Kristo. Ka tso bisu lili mu umono mapasi itwadi na Kristo, bisu kaka sa liba itwadi hutso muyusu a nde.

Boosi ba bali hu tsina lituma bibaayaka manzala ma imuutu, bali baboho ba Nzambi. Mu tooni ati, bo a bubasiingala Mikele mya Nzambi ve, na a bubatwala tso hoole ve.

Ka byosi bi Nzambi havanga, bili mu ukeele na lehemene, taangu yi Nzambi humweese muyusu a baana ba nde.

Ka, bisu liyaabi ti natee loloyi, byosi bi Nzambi havanga, bili mu ubima na umono pasi, we mukaasu nga misoongo.