Mavhesi emuBhaibheri Ane Mukurumbira kubva kuna Gàlesìyà 6

Pakurirana nevamwe

Ane, imbə̀ʼ tì bɔd awa ni ghì inug chɔm. Àmə chəyi tì bɔri, nyùmə̀ we yèʼe ne tì biri jəg chùd.

Ane, tì mə bèrì apan, tì ghiyə inug chɔm abə bəd məjìm. Tè taŋ zì atog ni ghì ane yaʼi abə ìmba bəd Kristo.

Wə̀d mɔ̀ʼɔ abɔ̀ʼ inən mə̀ yaʼ inga ngəʼ, mbə̀ wete aməd. Mbə̰ mə̀ ya ghìyə̀ ane, nji mbə fə nɔ̀ŋì nɔ̀ʼɔ̀ we ne Kristo ya nàʼi inən.

Imbə̀ʼ mbə̰ si tamba awən ìwən nyɔd. Chəyi tì wə̀d niŋ Ŋwiye ane anen. Aghi ze ne wə̀d nyɔ̀ʼi, à ya àzewən ne wì biri kab.

Wə̀d mə nyɔ̀ʼ aghi ze ne nyàmnyɔd məd ze ghə̀ʼrə̀, aghi ne nyàmnyɔd ze biri nàʼ ibo ya iwu. Wə̀d mə nyɔ̀ʼ yaʼ aghi ze ne Azwighi Ŋwiye ze kə̀bə̀, aghi ne Azwighi Ŋwiye biri nàʼ ibo ya ìtḛ̀ ighə̀m imɔʼ.

Ìmbum məfi fɔrɔ ìtum njàbi, wə̀d mɔ̀ʼɔ abɔ̀ʼ inən mə ghì anug tibɔ̀ŋ, mbə̰ mbe ne ghìyə̀ inug icheg ne Azwighi Ŋwiye ze kə̀bə̀, mbə̀ wete aməd ghi wì təm. Mbə̀ ya ghìyə̀ ane kwàʼ ane àbɔrɔ̀bɔd, nè we awən imbə̀ʼ àkwàʼrì nɔ̀ʼ nyi igun inən bə.

Wə̀d mɔ̀ʼɔ abɔ̀ʼ inən mə̀ niŋ ìwi nyɔd gha zìye ya ijiʼi wə̀d ne kayi ane, ane ya gha, tengàŋ ya tàmba ìwi nyɔd. Wə̀d imɔʼ imɔʼ abɔ̀ʼ inən kyeʼre ìwi ikuchèg. Ikuchèg wə̀d mə̀ bɔ̀ŋ, məd we tì wì kɔ̀m igo anjìm ìmbi inug chɔm ne chəyi wì ya mə̀grə̀ ìwi ikuchèg tì ikuchèg wə̀d ndəŋ. Ane, wə̀d imɔʼ imɔʼ bèrì ni fàʼ yaʼ àzi àfàʼì.