Mavhesi emuBhaibheri Ane Mukurumbira kubva kuna Efesùs 6

Pakurirana nevamwe

Chəyi tì ya zɔ̀ŋɔ̀ yaʼ bəd. Tì ya zɔ̀ŋɔ̀ yaʼ izwighi tibɔ̀ŋ fɔrɔ tika afub te ne tùmbə̀ ikaŋ. Tì ya bə̀ zɔ̀ŋɔ̀ yaʼ tika te ne yaʼi inga isəg inug tibɔ̀ŋ gho̰ fɔrɔ tika te ne yaʼi ikaŋ àbɔ̀ŋɔ ne chəyi tì ya bàrà.

Mbə̀ bə ya chàʼrà Ŋwiye icheg ne Azwighi Ŋwiye ze nàʼà ika inən. Mbə̀ ya ghìyə̀ ane mà nyumə̀ ijìm ne mbə̰ mbe chàʼrà Ŋwiye, dèghè inug ibo kə̀ bìre ighi ibo. Ane, mbə̀ chughi ikyeʼi. Imbə̀ʼ mbə̰ bɔrɔ awən ni chàʼra Ŋwiye abə bəd məd məjìm.

Mbə̀ niŋ ìmbən ighi ibid mbe ne Ŋwiye we nàʼà. Ighi ibid mbe biri ghì mbə kyeri icheg ni təm kà chè tiwe iji ìti Debrə̀.

Ane, mbə̀ niŋ ighi ibid mbe ne Ŋwiye we nàʼà kwàʼ ijìm. Àze ya ni ghì gha, anyumə̀ ne inug tibɔ̀ŋ yeʼe, mbə biri kyeri icheg ni zɔ̀ŋ ghò mànì ne ìwən ibḛfiŋ kiri təm kà.

Abɔ̀ʼ ighi mbo̰ ijìm, mbə̀ nyimi ibḛfiŋ we ne mbə̀ nɔŋi igun Kristo icheg àgùʼì ibid. À ya ibḛfiŋ gho̰ biri nimni iywid we ne kyètè ane kyed te ne Wə̀d Tibɔ̀ŋ we tùmə. Mbə̀ niŋ icheg ne Ŋwiye fə pumni awən ze yaʼ icheg aghi atog atə̰ ne kə̀ndə atog. Mbə̀ bə nyìmi Ìngam Ŋwiye icheg ibeg ibid ne Azwighi Ŋwiye ze nàʼà.

Ane, mbə̀ təm kà, kɔd inug tesiʼ inən ìkyèri icheg ne sogyì we kɔ̀rɔ ìkɔ̀bì. Anug ni təm kòʼ imbìghè abə Ŋwiye ze yaʼ inən ane igo icheg ne atə̰-igo ze yàʼa ane igo abə sogyì. Mbə̀ bə chùʼri ìwən nyɔd ni ya ghà ikən chɔm we ne ghìyə̀ gha bəd chughi inga àbɔrɔ̀bɔd bə̀ kwàʼ icheg ne sogyì we zìyè itami ni chuʼri ìwi nyɔd ane àzɔ̀ŋì.

Ni si nwḭ̀yḛ̀, mbə̀ chughi ane ifɔti tì Anɔŋisəg ni ghì gha ika kyen məd we ne che tika ijìm we ghiyə ìwən ibḛfiŋ taŋ kà.

A ze inga Àŋwàʼrì Ŋwiye gha, “Àghò ghumni ìwe mbaʼ tì ìwe ngɔb.” Aŋa ya ikə mbègtog ne beri anug ne Ŋwiye kàʼi. Ŋwiye kàʼ gha, àghò mə̀ ya ghùmnə awɔb, “Àghò biri yaʼ icheg chɔm bə̀ tàndì igun isəg.”

Bɔn, mbə̀ ya zùgrə ìmbən mə̀mbaʼ mbe ne mbə̀ yaʼi ane ifɔti tì Anɔŋisəg imbə̀ʼ icheg ne à ya anug ne koʼi abə Ŋwiye.