Mavhesi emuBhaibheri Ane Mukurumbira kubva kuna Efesùs 5

Pakurirana nevamwe

Icheg ne mbə̰ ya bɔn ne Ŋwiye taŋ kɔ̀ŋ, mbə̀ ghiyə ìwən ikuchèg we yaʼ bə̀ kwàʼ icheg ìwi məd. Mbə̀ chughi ane àkɔ̀ŋì kwàʼ icheg ne Kristo ya bì kɔ̀ŋ awa nàʼ ìwi ìtḛ̀ igun ìmba itog ane ituti Ŋwiye fɔrɔ ane aghi àfàtì chɔm ne beri ifɔ chɔm chɔm ne Ŋwiye kɔ̀ŋi.

Ane, mbə̀ we awən ane ikuchèg ne mbə̰ mbe chùghə angu. Imbə̀ʼ mbə̰ chùghə awən icheg inen. Mbə̀ chughi icheg bəd ne beri iwe. Mbə̀ ya fàʼà inug chɔm mà nyumə̀ ijìm ne mbə̀ beri apan imbə̀ʼ icheg ne bəd mbe ghìyə̀ inug tibɔ̀ŋ ne nɔʼi ako inga nyùmə̀ isəg gho̰.

Imbə̀ʼ mbə̰ si no awən be imbə̀ʼ icheg ne mbə̰ mə̀ no mənoʼ be, mbə biri nyi inga anug ni nɔ̀kì mə̀yi kə̀ mbaŋà abu abu. Mbə̀ saŋa yaʼ Azwighi Ŋwiye ze sweg inga inən. Mbə̀ ya zə̀ʼə̀ tikyeg abə wə̀d imɔʼ imɔʼ. Mbə̀ zəʼə mə̀sam tì tikyeg ne ghùmnə Ŋwiye tì tikyeg ne Azwighi Ŋwiye ze nàʼà. Mbə̀ ya zə̀ʼə̀ tikyeg te ghùmnə Anɔŋisəg ane fìŋ ijìm. Mbə̀ ya nàʼà məyakà abə Ŋwiye ne yaʼi ìwa Mbaʼ imbə̀ʼ inug ijìm. Mbə̀ ya ghìyə̀ ane mà nyumə̀ ijìm inga ikum Anɔŋisəg Yeso Kristo.

Ane, imbə̀ʼ mbə̰ yaʼ awən icheg inen. Mbə̀ ziye atog ni kyeri anug ne Anɔŋisəg kə̀bi.

Mbaŋà, wə̀d ya kɔ̀ŋɔ̀ ìwi iweg kwàʼ icheg ne Kristo ya kɔ̀ŋi ifeti bəd Ŋwiye nàʼ àze atog, ku, atog inɔb.

À ya yaʼ inga nyùmə̀ mɔ̀ʼɔ, mbə̰ yaya ghìyə̀ inug icheg bəd ne yaʼi inga afub. Àsi amad anìŋ ne mbə̰ ya fə si bəd Anɔŋisəg, mbə̀ se ghìyə̀ inug ne chwìye gha mbə̰ fə se inga ìzḛzḛ.

Mbə̀ ya zùgrə wə̀d imɔʼ imɔʼ ni chwi gha mbə̰ ya bəd ne ghùmnə Kristo.

Mə̀yi, mbə̀ ya zùgrə ìmbən mənɔm icheg ne mbə̰ mbe zùgrə Anɔŋisəg

Ane, wə̀d imɔʼ imɔʼ abɔ̀ʼ inən ya kɔ̀ŋɔ̀ ìwi iweg icheg ne wì kɔ̀ŋi ìwi nyɔd. Àyi bèrì ni ya bə̀ ghùmnə ìwi inɔm.

A ze inga Àŋwàʼrì Ŋwiye gha, “À ya aton ne mbaŋà biri sàŋì ìwi mbaʼ tì ìwi ngɔb ghò fɔ̀ti tì ìwi iweg, mbɔb mbe məbe si yaʼ nyàmnyɔd imɔʼ.”

Imbə̀ʼ mbə̰ ziye awən abo ane inug ako mɔ̀ʼɔ mbe ne bəd inga isəg mbe ghìyə̀ inə̀mbi. Mbə̀ toʼo inug mbe asaŋ, bəd bara.