Mavhesi emuBhaibheri Ane Mukurumbira kubva kuna Rom 8

Pakurirana nevamwe

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Uve, iara fatutuani ni fara igne, eigna theome tangomana kaisei glepo te fota ghita ka nogna namha God na. Neuba tahati ne karha ba ne lehe, neuba kaisei engel ba kaisei naitu, neuba glepo te mei gognaro gre ba glepo nate mei ginau, neuba kaisei vido ka maloa kligna ba kaisei vido mamhara ke pari glose, uve, neuba kaisei glepo biꞌo ka gobigna lepo teke vuavuha God gre, theome tangomana te fota ghita ka nogna namha God teke fatakle ranghi ghita Jisas Kraes noda Lord.

Jaola, Tharunga te Blahi na neke togho ghita naugna tahati theome heta kolho. Tahati theome laseni eigna tharai na, nu Tharunga te Blahi thegna te tarai heta ka God eida tahati ka natanhi te theome tangomana tahati te rurutha gaoghathogna na.

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Gognaro na tahati kaisei balugna Jisas Kraes mala theome tangomana God te fate falehe ghita na.

Tutuani, jame kaisei mae te snakreni gaoghathogna te diꞌa nate mala batuni mana na, mana ginauna lehe ka igne. Nu jame te snakreni gaoghathogna mae Tharunga te Blahi na te mala batuni na, mana ginauna hata karha nei muana eghu ka igne.

Nu tahati theome mala nigra ka glepo igre. Naugna Kraes mae ihei te namha ghita na, mana na togho ghita mala tapla sorudi tahati glepo igre leuleghu narane!

Iara thofno laseni igne, kate ghatho laoni tahati u nakarha te ulu tulao nate tusu mei God ka tahati igne, glepo te para ghita gognaro igre theo nafudi kolho.

Unha glepo gne te tangomana te fota ghita ka nogna namha Kraes na? Jame te thoke ghita puhi biꞌo ba vido te ninhigrana ba au papara? Jame te theo gheda gano ba pohe, ba jame mare nenei ghita ba falehe ghita, ba, glepo igre tangomana te fota ghita ka nogna namha Kraes na?

Nu God mae ihei te lasedi gobigna lepo te au ke lamnadare, mana laseni nagnafagna mae Tharunga te Blahi na. Naugna Tharunga te Blahi na taraidi nogna naikno God re ka thofno puhi te magnahagheni God.

Tutuani, iheire te snakreni Tharunga gna God te batudire, mare goro thugna God.

Iheire te leghuni puhi te diꞌa te au ka thinidire nei gaoghathodire, mare ghathodi kolho puhi te diꞌare. Nu iheire te leghuni Tharunga te Blahi na, gaoghathodire heta ka unha te magnahagheni Tharunga te Blahi na.

God neke theome lhotini thofno Thugna na, nu mana neke snakreni mala lehe eida tahati hui. Ba, te eghu na, mana ginauna jaola khogla tusu mei kolho gobigna lepore ka tahati mala au balugna Kraes? Uve, mana tangomana te eni igne.

Tharunga te Blahi na kaisei baludi gaoghathodare mala cheke thakle ghita te goro thugna God na. Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Naugna mae te ghathoni fara puhi te diꞌa na, mana nogna naoka God. Mana theome leghuni nogna vetula God na, eigna mana theome tangomana te eni igne na.

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.

Naugna tahati laseni, funu tifa te ghilei mei posa gognaro gne, gobigna lepo teke vuavuha God re ne eha fabiꞌo naugna ne paradi fara, jateula gaꞌase te namo fakarha sua ia neu.