Mavhesi emuBhaibheri Ane Mukurumbira kubva kuna Romans 8

Liisimakaghput Kiyaghneghem sangwaat qamaglluki qepghaghtestaqii qerngiita pinighqelleghqiitnun piniqistemi. Ellnginguut tuqluqii uspeqelleghmitun.

Liisimakngwaaghaqa saam alngunak iqitesnaanghitiinkut Kiyaghneghem piniqellghaneng: talwa tuqullghem, unguvallghem, yaqulget, nalighmeng tughneghaat. Talwa sangwaa saghngaan aghneghmi nalighmeng sivumi agani, nalighmeng aghtughyaghqaanghillghet. Talwa sangwaat qulemnni nalighmeng asimnni. Ulimaaghmi iqitestiyaghqaqraggiituq whangkunneng Kiyaghneghem piniqellghaneng Christ Jesus‑kun Atanemteggun.

Tawateghpigaq Taghnegham kayusighaqiinkut kayaatellemnni, qayughllak nallukelghiikut naten yughalleghqaqsaqemtestun. Iwernga Taghnegham ellmineng katam yughaataqiinkut Kiyaghneghmun ngillegtelleghllagkun akuzitngunaan.

Samengꞌngam pinaqesteggu una? Kiyaghneq whangkunnun ayuqngukan, kitumngam tengvimun pilleqinkut?

Enkaangam kinkut alngunak Christ Jesus‑mun ilatkaakata Kiyaghneghem nanqiggnaanghitii aghyuughyaghqaaluki.

Umyugaput malighqutaqegkata yugusimta piyukellghanun, tuqullequkut. Iwernga umyugaput malighqutaqegkata Taghneghagnun, Kiyaghneghem unguvallelilleqiinkutlu nekeggmellelilleqiinkutlu.

Iwernga tamaakut qamaglluki kayaalqengngwaaqaqaput Christ‑akun piniqistemteggun.

Sumemni ikfiqelleput unguvallemnni inglutepagningitut nighughqelleghmun Kiyaghneghem aliighsaghqaanun whangkunnun.

Saamngam iqitesleqinkut piniqellghaneng Christ‑am? Seghleliillghaam, piyaqliillghaam, amyuqetaatkellghaam, paneghniqellghaam, aklumallghaam, yakughnaam, nalighmeng tuqutellghaam?

Kiyaghneghem liisimakii yuget sumeghtaghallghit. Liisimakiillu sumeghtaghallghi Taghnegham, qayughllak Taghnegham yughaatkaqii yugi Kiyaghneghem piyukellghatun ayuqluki.

Qayughllak tamaakut maghyaghquqii Kiyaghneghem Taghneghagkenka Kiyaghneghem avaqutaqii.

Tamaakut kiyaghlleghhiit malighqutaqluteng yugusimeng piyukellghitnun, sumeghtaghaatkengnginaghaqiit piyukelleteng. Iwernga tamaakut kiyaghlleghhiit malighqutaqluteng Taghneghagnun, sumeghtaghaatkengnginaghaqiit Taghnegham piyukellghi.

Ighlekumangitaa ellmi katam Ighneni; itupill tuunegkaqaa aghqutnguluku tamaghhamnnun! Kiyaghneghem tuunumakanginkut Ighneghmineng, taawa ellngakun ighlegpenani tuunelleqiinkut sameng tamaghhaaneng.

Kiyaghneghem Taghneghakek ellmegneng ilatkaaguk taghneghamnnun ungipaannaluta Kiyaghneghmun avaqutaqniluta. Kiyaghneghem avaqutaqutanganeng, Kiyaghneghem pagitistekiinkut, Christ‑amllu pagitistelgutkiinkut. Nighughqellengellequkut Christ‑atun ikfiqegkumta Christ‑am ikfiqellghatun.

Umyugaput malighqutaqenghata yugusimta piyukellghanun, anguyagwaaqukut Kiyaghneghmun qayughllak qaatkigalkeput Liilightuusii. Ipa qaatkepagningitaput Kiyaghneghem Liilightuusii.

Ulimaaq qamaglluni utaqiinguuq qelanellelighluni Kiyaghneghmun aliightesqelluki kinkungutangi avaqutii.

Liisimakaghput whavemun kenlanga iingunaghmi ulimaaq ngillegtengnguuq aqnighqellghatun ighniyulghiim.