Mavhesi emuBhaibheri Ane Mukurumbira kubva kuna Luka 22

Pakurirana nevamwe

akata: Vi dada ungave vwidikaga uve ukuta ikinwelo iki kilutage pane! Mańa nene viki itsu ndinogilwe uńe, ńage jyuve tsitsu ungave unogilwe uve.

Mańa ndikudovye ulwidiko lwako ukuta lulasilaga. Nuve lungave lusiku ungave uvujile ukilivwike, pwu uvadulusage avanino.

Pwu akatola ikivanda akasana akameńulanya akavapa akata: Ugu gwu mmańa gwango ugwiva pakuvaswila uńe. Vwu nkagahage vuvule-vule sikutsoni kavetsage ka kuṅumbuhitsa uńe.

Nakyene ikinwelo vuvule-vule vwu valye isya kwigoneka, pwu nakyene akatola akata: Ikinwelo iki lwu lwidiṅano ulupya ulwa munkisa gwango uguvadudikye uńe.

Lino vwu inumbula jili nkyańa vuvule uludwado, pwu akijumilitsa sitso nukwisaja. Pwu inugutila jya mwene jikava nduluholosolelo lwa nkisa vwu jigwa pasi.

Uńe lweli vwu ndagahaga vuvule-vule. Bako uńe uvi ita ndive mbaha kuvajyango, vi upita ipelage ukuva vi ndebe kuvoni, umwene uvi ita ndive vakuvalongola mbulongolo mbajyango, vi upita ipelage ukuva vakuvavombela ńi vanine.

Umwene akanda akata: Ukwa ndikuvule vi Petele, ilelo iji vwu inongove jikanale ukuvika vwu vwibelile kadatu kwane vwu utye nummańili une.