Mavhesi emuBhaibheri Ane Mukurumbira kubva kuna Ima̍aki 14

Pakurirana nevamwe

O̍ ka hīka, “Ādā, A̍dā yī u be̍e! A ē ya̍ ɔjāha̍-ɔjāha̍ wa̍a̍ ē mɛ. De ɔgba̍galā yī ichi̍ nūma̍ nāa hī u gɛ! A ā chī ya̍ lɔkɔ nīi ami chikpo̍ pi̍i̍ ma̍ ni̍; ya̍ lɔkɔ nīi awɔ ɔlɔjā chikpo̍ ma̍.”

Ala̍ ā deyīrɛ! Ala̍ ā jɔhā, hɛ̄ɛbɛ nīi ala̍ ge̍ e̍e ngma̍ ta̍tū la otu̍tū ni̍. Uhu ma̍ chikpo̍ i̍ngɔ̍ɔ, ibi̍īyē ɔlamu lɛ kwīkwī a̍nɛ.”

Lēchi̍-lēchi̍, n ā koko̍o de ala̍! Ɛbɛha̍-ɛbɛha̍ lipu̍ yɛchɛ wa̍a̍ nīi e̍ ge̍ē bī Wɔ̄kā Ɔlwɔnyɛ yī Ɔwɔ ge̍ē ka ma̍, e̍ ge̍ē kɛlā ku̍ lɛlā yī ɔnyā nūma̍ ē bla ē tū ɔ̄.”

O̍ koko̍o de wa̍ hīka, “Īlāanyī yɛ amu ē lā u kpɛ̍ɛji, bɔ̄ɔjā nīi o̍ ge̍ē ngmo̍ um ma̍. Ala̍ ā gblāa amu u̍ma̍ nīi ala̍ ge̍ deyīrɛ grigri.”

E̍ gblāa yɛ ē re̍ ojōre̍ ma̍, Iji̍sɔ̄ɔsi nāa Ibrɛ̍ɛdi bī la abɔ̄. O̍ jɔhā, da Ɔwɔ o̍be ma̍, o̍ de ɔ̍ hɛ̍ wa̍a̍. O̍ de nāa de a̍chi̍kpo̍ yī nū, koko̍o de wa̍ hīka, “Ala̍ ā nāa re̍, ma̍a ibi̍īyē yī u hɔ̄ ma̍ a̍nɛ.”

O̍ gba̍a nāa ɔgba̍galā yī ɛ̍mwɔ̄ bī la abɔ̄. O̍ da Ɔwɔ o̍be bɛ̍ɛ̄nɛ̄ ma̍, o̍ nāa grāa aa̍ nīi e̍ gwa̍ wa̍a̍. O̍ koko̍o de wa̍ bɛ̍ɛ̄nɛ̄ hīka, “Yeyī yī u nīi n hu de āchɛ wa̍a̍ ma̍ hɔ̄ ma̍ a̍nɛ. Yeyī yī u nīi hu nīi yɛka ɔgwɔ̍ɔ̄gwa̍ yī Ɔwɔ ba̍la āchɛ̄ɛchɛ de lwɔhu̍ brii ma̍ nɛ.

Iji̍sɔ̄ɔsi ka de wa̍ bɛ̍ɛ̄nɛ̄ hīka, “Ala̍ wa̍a̍ chī ge̍ē gwɛ̍ɛnya ē hī u we̍. Wu̍chē oji̍ nɛ, Īpū yī Ɔwɔ ka hīka, “ ‘N ge̍ē de ɔ̄chɛ odeyīrɛ anyīyɛrɔ̄ ē ngmo̍ ma̍, anyīyɛrɔ̄ ɛla̍ā wa̍a̍ chī ge̍ē mīyanya.’

Ala̍ ā nīichō nīi alɔ ā pīya! Ma̍ ɔ̄chɛ nīi chɔ̄ɔwɛ tū u ma̍ nīi yɛ aa̍ kurɛkurɛ.”

Iji̍sɔ̄ɔsi koko̍o de Ipi̍ta bɛ̍ɛ̄nɛ̄ hīka, “Lēchi̍-lēchi̍, n ā koko̍o de wɔ! O̍bū nīi ugū ge̍ē tɛ̄ra̍ igbɛpa i̍chɛ la otu̍, awɔ pi̍i̍ ge̍ē ta̍ahu̍ igbɛta̍ ka aɔ̍lɔ i̍ je̍ amɔ̍lɔ ni̍!”