Mavhesi emuBhaibheri Ane Mukurumbira kubva kuna Mɑtʉ̈ɔ 6

Pakurirana nevamwe

Pʉʉ luŋmbi ńzúꞋ pɔ nu-nɛfɔɔ-Sɛ́, pɔ́p yúu mi Sɛ́ sɛ́ ŋ́kɔŋ, ɑ tsʉ́Ꞌ ŋ́ɡɑ́ mîmɑ́ mɛyúu ńdɔk ŋ́kẅiꞋ kẅiꞋnɛ.

Pɔ́Ꞌɔ lɑ́, kɔɔ pʉʉ púꞋ mbʉʉ yʉʉ nǔu nu-lɛ́Ꞌlɑ́Ꞌ-zɔ́n. Lɛ́Ꞌlɑ́Ꞌ-zɔ́n, ɡʉ ŋ́ɡɛ ńtɔ́ nɛ́ mɛ́ mɛnu. Yɛ́tɛ ŋɡʉ̈ɔ́Ꞌ lɑ́ kuꞋ nǔu yɛ́ lɛ́Ꞌlɑ́Ꞌ.»

N dɔk ɛ́sẅíi wʉ́ʉ ŋɡɔ: Kɔɔ pʉʉ nɑ́ŋ ḿbúꞋ mbʉʉ yʉʉ ŋɡɔ pɛk ɡʉ ŋ́kwɛ́t kʉ̈ɔ́, pɛk ɡʉ ńdɔk ŋki ɡɔ́ ńnɔ́? Pɛk ɡʉ ńdɔk ndẅí ɡɔ́ ḿmɑꞋ? Wʉʉ nɛpɔ́ ɡú kɑ́ tsɑ yúupɛjʉ́ pɔ́ ɔɔ? Mbʉʉ ŋu pɛn mbɔɔ pɔ́ yúu tʉʉndɛn ńtsɑ mɛndẅí pɔ́ ɔɔ?

Lɑ́ ŋ́ɡʉ nǔu pʉʉ, mbɔ ŋu lɑɑ ḿbɔ́ ŋ́ɡʉ ńcɛꞋlɛ Sɛ́, ɑ kúu tsɛt lûmndɑ́ lʉɔmɛ́nɛ, ŋ́kẅíipɛ ntsundɑ́, ńnɑ́ŋ pɔ ndʉɔmɛ lʉɔmɛ́nɛ lɑ́ ńcɛꞋlɛ Tɑ́t wɛ ẅí pɛ́ ńjʉ́ɔ wɛ́ pɔ́. Tɑ́t wu ẅí ɑ jʉ́ɔnɛ yúu mi ɔ ɡɛnɛ zʉꞋ lʉɔmɛ́nɛ, ɑ ɡʉ ŋ́ɡɛ ńtsɔ́Ꞌ fɑꞋ yú.

Pʉʉ lɑɑ ḿbɔ́ ńcɛꞋlɛ Sɛ́ pʉʉ cú ŋɡɔ: «Tɑ́t wɛk, ɡu ẅí ɔ pɔ́nɛ tʉ́nɛ́pú. Gɛ pʉɔmɛsɔŋ jí ŋɡɔ ɑ ndɑꞋ ɡu ḿbɔ́ Sɛ́. Gɛ nɛfɔɔ nú tɔ́. Gɛ pɛ́ pɔ́ ńzúꞋ ntsu wú ndǔ tsɛ́tsɑ́Ꞌ, pɑ́Ꞌ pɛ́ sɛ́ ńzúꞋ tʉ́nɛ́pú.

Gɑ́ yɛ́k yúujʉ́ yi ɛ́ ɡʉ ŋ́kuꞋ nǔu pɛk lɔ́Ꞌnɛ

likŋɛ mɛfɑɑnɛ mɛ́k, ŋ́ɡɑ́ mbɔ̌ pɛk, pɑ́Ꞌ pɛk sɛ́ ńdikŋɛ yɛ́k ŋ́ɡɑ́ mbɔ̌ pʉɔ pi pɔ́p ɡɛnɛ nǔu pɛk lɑ́.

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Ɛ́ pɔ́Ꞌɔ, ḿbɔ́ yi pʉʉ lɑɑ ńzɛɛ ńdikŋɛ mɛfɑɑnɛ pɛcɔ́ pʉɔ, lɑ́ mbɔ Tɑ̌ɑ wʉʉ ẅí ɑ tʉ́nɛ́pú ɡʉ ŋ́ɡɛ ńdíkŋɛ mʉ́ʉ ɡúu.

Pʉʉ líŋɛ pɛshʉ́ŋ lɑ́ ńjʉ́ɔ, pɔ́p lɔɔ ḿbi yúu pɔ́, ŋ́kɛ́ ḿbɔɔ ńdɑk yúu ŋ́ɡɑ́ ndɑ́ pɔ́, pɔ́p kɑ́ ɡẅɛɛ ntɑŋ pɔ́, Sɛ́ ẅi ɑ tʉ́nɛ́pú zẅíknɛ wɔ́p. Pʉʉ mbɔ̌ Sɛ́ ḿbɔ́ yúu tʉʉndɛn tɛꞋ, ńtsɑ pɛshʉ́ŋ.

Kɔɔ pʉʉ cúꞋlɛ yúu tʉʉndɛn yʉ́ʉ ndǔ tsɛ́tsɑ́Ꞌ. ZʉꞋ yí sɑɑ pɔ́p ɡwɛ́tkɑ́ɑ ɡʉ ŋ́kwɛ́t tsʉʉ, ŋ́kɛ́ ḿbɔɔ pɔ́Ꞌɔ pɔ́, pɛtsɔ́ŋ pʉ̈ɔ́Ꞌ ndɑ́, ńtíi. Pʉʉ cúꞋlɛ yúu tʉʉndɛn yʉ́ʉ pɔ nɛjɔ́ŋ-Sɛ́, zʉꞋ sɑɑ pɔ́p ɡwɛ́tkɑ́ɑ kɑ́ pʉ́ʉpɛ yúu pɔ́. Pɛtsɔ́ŋ pɛn ŋ́kɛ́ ḿbɔɔ kuꞋ nɛpʉ̈ɔ́Ꞌ ndɑ́ ńtíi yúu pɔ́. Jínɛ ŋɡɔ yúu tʉʉndɛn ŋu lɑɑ ḿbɔ́ ɡɔ́ lɑ́, mbɔ tʉ́m yɛ́ ɡʉ ḿbɔ́ pɔ zúꞋu.

Ɛ́ lɑɑ ḿbɔ́ wɛcɔ́ ŋkwɑɑ pɔɔ fɑꞋ mbɔ̌ pɛtɑ́fɑꞋ pɛ́pɑ́ tɑ́Ꞌ ŋkɑ́ pɔ́. A ɡʉ ńzúꞋ ntsu tɑ́Ꞌ, ńdʉꞋnɛ nɛzúꞋ ntsu wɛcɔ́. A ɡʉ ŋ́kɔŋ tɑ́Ꞌ ŋu, ḿbɑɑ wɛcɔ́. Ɛ́ lɑɑ ḿbɔ́ pʉʉ pɔɔ ḿbɔ́ ńzɑ́p tʉ́m nǔu Sɛ́, ḿbɛn ḿbɔ́ ńzɑ́p nǔu ŋkɑ́p pɔ́.

Tɛ Sɛ́ lɑɑ ḿmɑꞋ ndẅí sʉ́Ꞌnɛ nǔu nɛɡíi ẅi ɑ júknɛ ŋkɑ́Ꞌ lɔ́Ꞌnɛ, njí kiɛ pɛ́ kʉ́ɔꞋ ńtɔɔ múk, mbɔ ɛ́ ɡʉ ŋ́kúu nǔu pʉʉ lɑ ɑ zɑ́k ndẅí kîi? Ɛ́ pɔ́ pɔ ŋɡɔ: «Pʉʉ kɑ́ zɑ́p tʉ́m nǔu Sɛ́ ŋkɑ́ tsʉʉ pɔ́.

Lɑ́ ɛ́ ɡʉ nǔu ɡu, mbɔ ɔ lɑɑ ŋ́ɡʉ ŋ́ɡɑ́ ŋkɑ́p mbɔ̌ pɑkɛ́yúu, ɔ pɑ́ɑ nɛɡɛ tɛ mbɔŋ súu nu jí. Ɛ́ lɛɛ pɔ́Ꞌɔ, yúu mi ɔ ɡɑ́nɛ, ɛ́ pɔ́ pɔ tsɛt ntsɛm, Tɑ́t wu Sɛ́ ẅi ɑ jʉ́ɔnɛ yúu mi pɛ́ ɡɑ́nɛ tsɛt ntsɛm, ɡɛ ńtsɔ́Ꞌ fɑꞋ yú.»

Yɛ́su pɛn ńcú ŋɡɔ: «Pʉʉ lɑɑ ḿbɔ́ ŋ́ɡʉ ŋ́ɡɛ yúu mi nɛpʉ́ʉ-Sɛ́ píkŋɛnɛ, pʉʉ lɑk tú yʉ́ʉ nɛɡɛ zʉꞋ lɑ́Ꞌ zúꞋu, nǔu ntɛ́ yi pɛ́ ɡʉ ḿbɔ́ ńdíŋɛ wʉ́ʉ. Pʉʉ lɑɑ ŋ́ɡɛ pɔ́Ꞌɔ, mbɔ Tɑ̌ɑ wʉʉ ẅí ɑ tʉ́nɛ́pú kɛ́ ɡɛ ńtsɔ́Ꞌ fɑꞋ yʉ́ʉ pɔ́.

Pʉʉ lɑɑ ŋ́kɔŋ kɔŋnɛ ńnɑ́ŋ njí nɛcɛꞋlɛ Sɛ́, kɔɔ pʉʉ kɔk shʉ́ wʉ́ʉ pɑ́Ꞌ ɡɑŋnyɛtmbʉʉ. Pɔ́p kɔk shʉ́ wɔ́p, ńdɔk ńnyɛt ŋɡɔ pɔ́p sɛ́ ńnɑ́ŋ njí nɛcɛꞋlɛ Sɛ́. Lɑ́ ɛ sẅíi wʉ́ʉ, kwɑꞋ nɛ́nẅín, pɔ́p ńdɑ́Ꞌmɔ́ ŋ́ɡẅɛɛ tsɔ́ꞋfɑꞋ yɔ́p. Lɑ́ ŋ́ɡʉ nǔu pʉʉ, mbɔ ŋu lɑɑ ḿbɔ́ ńnɑ́ŋ njí nɛcɛꞋlɛ Sɛ́, ɑ ɛ́suk shʉ́ wɛ́, ɛ́shɛp tú yɛ́. Ɛ́ lɛɛ pɔ́Ꞌɔ, wɛcɔ́ ŋu pɔɔ jí ŋɡɔ ɔ sɛ́ ńnɑ́ŋ njí nɛcɛꞋlɛ Sɛ́ pɔ́. Tɑ́t wu Sɛ́ zɛnɛjʉ́ ẅi pɛ́ kɑ́ pɔ́ ńjʉ́ɔ wɛ́ pɔ́ zɛɛnɛ ńjí. Jʉ́ ẅi ɑ sɛ́ ńjʉ́ɔ yúu mi ɔ ɡɛnɛ ndʉɔmɛ lʉɔmɛ́nɛ ɡʉ ŋ́ɡɛ ńtsɔ́Ꞌ fɑꞋ yú.