Mavhesi emuBhaibheri Ane Mukurumbira kubva kuna Filipai 4

Pakurirana nevamwe

Ni kan basi ate wie a daani ni, alege ni puusaŋa meena po ni a te Wen jiam ate wa pai ŋan baai meena ate nama a yaali la a te ni.

Ni dan a nye dila, Wen le basi ate suiyɔgni dii ate nuru biik an baga miŋ di kiri a chak la a jam ni suiniima po. Nama baai ate Yeezu Kirisita soa la, a dan ta suiyɔgni de, wabiok an baga a jam ni jigi ya.

Ku kpeglimka, m suata, wa dii ale ka wensie la, wa dii ale ta zula la, wa dii ale magsi la, wa dii ale welema la, wa dii ale nala la, wa dii ale ta mariŋka la, wari a dan ŋmasi nala ale magsi pimpauk ni be poli ŋala wie.

Mi baga a nye wari meena kama Kirisita nyiŋ waai ale a te mu pagrim la.

Nama baai ate ti Naawenni soa ni la, ni basi ate ni suiniimaŋa a kasim peenti nna yegayega ti Naawenni nyiŋ. M be ŋman a weeni ni kama ayen ni basi ate ŋa peenti nna yegayega.

Mi Wenni ale te ni ni ŋan yaalinta meena a magsi chaab ale wa zula jigsika Yeezu Kirisita nyiŋ.

Ase mi ale jam bo ale ni diipo la, ni wom mi sinsaŋŋa kama ale nya m tuimaŋa me ale jam ka diila. Ni ba a poli mi sinsaŋŋa wie abe ni a tom ni tuimaŋa ase dila la. Ni be a tom dila, ate Wen dii ale a te suiyɔgni la, le boro ale ni.

Ku kan beni ate Naawen ŋman pilim jam. Dila nyiŋ ku a fɛ ate ni seba nidek taka ale nuruba.

M seba m dek yikka kama ase nyeboka a nin baasa. M be seba m dek yikka kama ase nyeboka a nin pagra mɛ. Juijui meena ate mi boro la m seba kom taka kama ale chakta mɛ taka.

Mi kan weeni nama kama ayen ka ŋanta ale posim mu. Ku dan poom ka dii mi jigi, mi a poli kama ayen ŋan baai ate mi a diem ta la a zuak kama a te mu.