Mavhesi emuBhaibheri Ane Mukurumbira kubva kuna Yohan 15

Pakurirana nevamwe

“Mɛ menu wain yɛ lihuʋi le, lɛ mlɔ mlenu aya la a. Ɔniliɛ gi amìnì nì mɛ ɛ, xe Mɛ kyɛ mamìnì nì yɛ ɛ, aayo esebi glegle; lɛ ese linu si mláma kididɔ kubitɛ mɛ ɛ, xe máma ní mlɔ mɛ ɛ.

Mlakɔ isu amìnì nì mɛ tɔ mɛ fɛ mímìnì nì mlɔ. Liseya ɛtɔtɔ lítratani kuyo ní lɛ tutɔ isu wla mɛ ɛ; liatani kuyo xe limìnì nì ose lo o. Nite ke mlatrátani esebi kuyo xe mlámìnì nì mɛ ɛ.

Xe mlakpasi ní mɛ mɛ̀ ɛ, gi mɛ eboe la alɛ ní mlɔ mɛ ɛ, kɔlɔ mlaaʋi kidɔ kakaa gi mlɛpɛ́ ɛ, lɛ biaki mlɔ kɛ ɛ.

Aní mlɔ mlɛkya mɛ ɛ; Mɛ makya mlɔ lɛ makpɛ mlɔ si mlazeeyo esebi glegle, esebi ala klɔ gi aaze tsini kanɔmɛ anɔmɛ ɛ. Atɔ Kaka Aya aaki mlɔ kidɔ kakaa gi mlaaʋi ye ní mɛ linyi ne me e.

Kulɔlɔ sanɔ gi ɔnɔ aaki yɛ baʋia nɛ ba kunu si, aakɔ̀ yɛ ligbã́ nɛ ɔkɔ ní ba litukpo.

Izɛɛkple liya kakaa ní mɛ mɛ̀ gi liʋíyo e, lɛ izeebu aya la gi izeeyo e su, tɔ aya la mɛ adra tɔ eyo asanɔ.

Mɛ ɔsã nɔ lɔ ya si; mlalɔ mlɔ ahanuglɔ ba, kiliɛ gi malɔ mlɔ ɛ.

Xegi mleyo esebi glegle e, liaki si banima biaki Mɔka Aya kubùbù lɛ liabasɛ kyɛ si mlenu mɛ badɔkpasi i.

“Mɛ menu wain yɛ lihuʋi le ɔtutɔ lɔ, lɛ Mɔka Aya yɛ onu wain ɔnyrɔ nɔ onetee e.

Ɔniliɛ gi ɔ́mìnì nì mɛ ɛ, ɔlɛ ŋwisi liya gi bɛtsa a, xe bekɔ ɛŋwia eʋe e, xe liyurɔ kinɛ ɛ. Biakpɛ aya la klɔ likpɔ kɔ bɛŋwia la ɛkpɛ ní kifu mɛ kɔ ɛkani i.

“Masi mlɔ liboe lɛ ya tɔ isami nɛ elu gi ilɛ ní mɛ mɛ̀ ɛ, iaze ní mlɔ mɛ̀, atɔ isami nɛ iayi mlo.

Xe mlɛga mɛ isã nɛ aʋa ɛ, mlaaze ní mɛ kulɔlɔɔ mɛ, ŋwisi kiliɛ gi maga ní Mɔka Aya yɛ isã nɛ aʋa a, xe malɛ ní yɛ kulɔlɔɔ mɛ ɛ.

Liboe lɛ ya ɔsã maki mlɔ: Mlalɔ mlɔ ahanuglɔ ba.

Xe mlenu kelea mɛ banɛ ɛ, kelea mɛ kialɔ mlɔ ŋwisi ka ɔtutɔ banɛ kinɛ ɛ. Pɔ̀ makya mlɔ ebu ní kelea mɛ ɛ, lɛ mlénu kelea mɛ banɛ tɔ ɔ; lɛ loso kelea mɛ banima bɛtrɔ mlɔ ahwafi i.