Mavhesi emuBhaibheri Ane Mukurumbira kubva kuna Orɔm 8

Pakurirana nevamwe

Nə́ yě bə̀ Yi nʼê twĩ̀ kɔn gakó wẽ́ byɛ̀bɛ́ bə̀ só re mó cɛ̀nɛ̀ yilə. Wɔ́ bə̀myɛ́ rə̀ byẽ̀ ǹdə rə̀ gə́ yʼà gu rə̀ wẽ́ rə cĩ́ ní.

Zhə̀nà, à yě bə̀ nə́ gə cùwə̀, ráá nə́ gə ŋwɛ́nɛ́ myɛ, màlɛ́kabá ǹdə́ dɛ̃̌ Arəzana jàn cìnə́ bé, ráá ŋwɔ̀nɔ́ cìnə́ byɛ̃̌byɛ̃̌, kɔn dɛ̀bɛ́ rə̀ ŋwɛ́nɛ́ èlâsɛ̃´, ǹdə́ dɛ̀bɛ́ rə̀ gwẽ̌ bàn ga, dɛ̃̌ jàn cìnə́ bé, ǹdə́ cɛ y kùr w jàn cìnə́ bé, ǹdə́ wẽ̀ dwã tɛ̀bɛ́ gakó Yi wɛ̀rhɛ́ mɔ́; rə̀dù ga wàr rə̀ bʼa cə̀r sónó w kɔ̀bɔ́ Yi tó nə́ Cinu Yezu Kristə dɛnnɛ rə byili nə́ba mɔ́ yé.

Nə́ wɔ́ numbyínsi, nə́ wɔ́ bə-jàn-zhəəre cìnə́. Nə́ yə̀l kɔn dɛ́ dɛ̀bɛ́ nə́ bʼâ lwə̀l nə́ Yi-co wẽ́ sə kɔn tó rə̀ sɔ́má y yé. Wɔ́ Eshirhə náàcɛ̀nɛ́ è nʼê twí è sɛ̃ nə́ba nə́ Yi-co wẽ́. Eshirhə y nʼê zal Yi cã̌ nɛ nə́ yilə, sə lò wàr ń mà n byili kɔn dɛ̀bɛ́ Eshirhə y nʼê lwə̀l Yi ni mú ǹdə́ ń nyì-zɔ̀mà yé.

Nə́ wál bə̀ byè kə́dò? Yi gə ŋwɛ́nɛ́ ǹdə́ nə́ba, mɔ̌ lò ń zhe nə́ yàlà?

Èlâsɛ̃´, Yi kʼê tʼâ la byɛ̀bɛ́ bə̀ zù Yezu Kristə mó bùrsì kɔ́ rə pə bɛ còrhò-tum yé

Ǹ gə nə́ ǹ twĩ̀ ǹ yala nɛ́ pùbùlə̀, wɔ́ cu sɔ́má yó ǹ ŋwɛ́nɛ́. Sə ǹ gə nə́ ǹ twĩ̀ Eshirhə y pùbùlə̀, wɔ́ nyǔ mə̀ tʼâ la zhɔ̌ ǹdə́ yə̀-zùlə́ sɔ́má yó ǹ ŋwɛ́nɛ́.

Ǹdə́ rə̀myɛ́ ga, nə́ jú bɛlɛ rə̀myɛ́ gakó yó, mɔ̀bɔ́ ń só nə́ba mó jàn yilə.

À nʼâ bùl bə̀ zùwə́ y kɛ̀bɛ́ Yi la ce e du nə́ yírhə́ nə mɔ́ zhe kùr dɛ̃´dɛ̃´ nə́ yilə, bʼè du nɔ̀nɔ̀ w kɔ̀bɔ́ nə́ rʼé nwɛ̀nɛ̀ èlâsɛ̃´ mɔ́.

Bə̀kɔ́n rə̀ wɔ̌ rə̀ bʼa cə̀r Kristə ǹdə́ nə́ba sónó? Zwini ráá wu-zɛ̃̀ɛ̃´ ráá nɔ̀nɔ̀? Nɔrh ráá nə̀mɔ̀ɔ̀rɛ̀? Yò-cə̀ə̀lè ráá cu?

Yi gə́ nə numbyíní wu w mú ce, rə̀ yě kɔn dɛ̀bɛ́ Eshirhə y nʼê yàlá. È nʼê zal rə̀ cã̌ nɛ, byɛ̀bɛ́ bə̀ wɔ́ rə̀ lyì bí mú yilə, kɔn yí rə̀ bùlə̀.

Lyì bí byɛ̀bɛ́ gakó bə̀ nʼê shɛ̀nɛ́ bə̀ tó kɔn dɛ̀bɛ́ Yi Eshirhə y nʼê byili bi mú, bə̀ wɔ́ Yi byâ.

Sə byɛ̀bɛ́ bə̀ nʼê twĩ̀ ǹdə bə̀ yala nɛ́ gə́ nʼê yâl nɛ́ mɔ́, wɔ́ bə̀ yala nɛ́ pùbùlə̀ né tũ̌ yò ò zù bì. Byɛ̀bɛ́ myɛ bə̀ nʼê twĩ̀ ǹdə Eshirhə y gə́ nʼê yâl nɛ́ mɔ́, wɔ́ Eshirhə y pùbùlə̀ né tũ̌ yò ò zù bì.

Rə̀ yə̀ nə́ba rə̀ cìcì Byǐ mú vòm yé. Rə̀ shɛ̀nɛ́ lyì zə mɔ bə gu nə́ gakó yilə. Wɔ́ bə̀kɔ́n yil rə̀ nə bʼa cẽ nə́ba kɔn gakó pɔ rə̀ Byǐ mú ńmyɛ̌ jàn yilə?

Yi Eshirhə y cìcì nʼê byili nə́ wun ní wẽ́ pamparɛ̃ɛ̃ bə̀ nə́ wɔ́ Yi byâ. Nə́ gə́ wɔ́ Yi byâ mɔ́ ce, nə́ bʼâ tó Kristə ne nə́ nə cəl cɛ̀nɛ̀ rɛ́ tɛ̀bɛ́ Yi bwəl rə̀ nyí rə̀ lyì bí ni mú wẽ́. Zhə̀nà, nə́ gə tó Kristə ne nə́ nwɛ̀nɛ̀, nə́ bʼâ tó mo nə́ zù ń zùwə́ y myɛ wẽ́.

Èta myɛ, byɛ̀bɛ́ bə̀ nʼê twĩ̀ bə̀ yala nɛ́ pùbùlə̀ né mó wɔ́ Yi zwə̀; bə̀ tʼâ zwẽ Yi nyə́ né yé; bə̀ wàr nɛ̀ bə̀ la zõ myɛ yé.

Kɔn dɛ̀bɛ́ gakó Yi wɛ̀rhɛ́ mɔ́ nʼê dɛ̃̀ dɛ̃ rɛ́ tɛ̀bɛ́ Yi la ce rə̀ byâ bɛ́ zùwə́ y du mú. Sə wẽ̀ dé rə̀myɛ́ nʼê yâl sə dɛ̃ rɛ́ yí làlà.

Nə́ yě bə̀, shãã ga kɔn mʼe yí zà, zwini zhe lũ w wẽ̀ dé púlə́púlə́, rə̀ nʼê nwɛ̀nɛ̀ ǹdə kɛ̃ pwǐ gə́ yʼa yì ní.