Mavhesi emuBhaibheri Ane Mukurumbira kubva kuna Afisu 6

Pakurirana nevamwe

Ci a̱ vishili n uma tsu tsu ba, amma ci ta̱ a̱ vishili n wunla̱i u gbani-gbani n utsura kakau u na wi o tsugono punu a aduniyan a̱ tsu a na i n ka̱yimbi, ci ta̱ kpamu a̱ vishili n utsura u kavama u na wi ɗe gaɗi.

I yaꞋan baci ili i nam pa, yaꞋin kavasa ka̱ta̱ i folono Ka̱shile ka̱ ɓa̱nka̱ ɗa̱ a̱ ubuta̱ wi ili ra̱ka̱ a ayin dem uteku u na Ayinviki a̱ Ka̱shile o tonoi n a̱ɗa̱. Yi baci kpamu a kuyaꞋan kavasa yongoi utaɗukpi. LyaꞋi kelime n kuyaꞋan kavasa ayin tutu adama a uma a̱ Ka̱shile ra̱ka̱.

Kosoji ko tsu foɓuso ta̱ ili i kuvon adama a na u yaꞋan vishili. N nannai kpamu, mayun ɗa i foɓuso ili ra̱ka̱ i na Ka̱shile ke nekei ɗa̱, adama a na ayin a na baci Kalijani† ki a kuciga kuya̱nsa̱ ɗa̱, i fuɗa i shamkpa vishili ka̱ta̱ i kpa̱ɗa̱ kuyikpa̱.

Adama a ili i nam pa, ukai ili ra̱ka̱ i vishili i na Ka̱shile ke nekei ɗa̱. Ka̱ta̱ a ayin a gbani-gbani i kpa̱ɗa̱ kusuma. Yi ta̱ a kufuɗa ya̱ shilika̱ ali uteku, a̱ɗa̱ ta na ushamgbi kashani n utsura.

Ili i yoku i ɗaɗa na: lyaꞋi kelime n kushuku n Yesu Kishi. Uneki u ka̱ɗu u ɗa̱ wi ta̱ o kokpo an ma̱ra̱ga̱ ma na ma kukpada ayaꞋa a akina a na MalyaꞋi ma tsu tawaka ɗa̱. Ana i yevei Ka̱shile ki isa ɗa̱ ta̱ babu munla̱i, wi ta̱ tsu ma̱kuꞋun mo kuvon ma̱ ɗa̱ ma na ma̱ tsu sa̱nka̱ ili kuciya̱ aci a̱ ɗa̱. Ka̱ta̱ i yongo ufoɓushi adama a na i yaꞋan ulinga n Kadanshi ka̱ Ka̱shile. Wi ta̱ tsu kotokobi ka na Ayinviki a̱ Ka̱shile e ci neke ɗa̱.

Nannai feu foɓusoi ka̱ci ka̱ ɗa̱! Dansai ili i mayun ayin tutu. Ukuna u mayun wi ta̱ tsu kaɗambura ka na vuza u ci shiya a̱ kukyuꞋun ku ni adama a na u foɓuso ka̱ci ka̱ ni kuyaꞋan ulinga. YaꞋan i na yi derere, adama a na usuɓi wi ta̱ an motogu ma̱ viyum ma na ma̱ tsu sa̱nka̱ ili kuciya̱ wu. LyaꞋi kelime n kuneke a̱ɗu n Arabali a Singai a na e ci neke ma̱ta̱na̱. Wi ta̱ ta na o kokpo adanshi yi ta̱ n ataka e ene a̱ ɗa̱, ka̱ta̱ i foɓuso mayin.

Kadanshi ku ukocishi ka̱ va̱ a kubana wa̱ ɗa̱ ka ɗaɗa na: Tsurakpai n utsura u Vuzagbayin u na wi gba̱ra̱ ayin tutu, adama a na yi ta̱ uɓolongi n a̱yi.

Punu a̱ Wila̱ Kupa, ili i iyain i na i koɓolo n uzuwakpani i ɗa na: “Cikpa eshevu n a̱na̱vu.” Na va ɗaɗa uzuwakpani wa: “Vi cikpa baci eshevu n a̱na̱vu, ili dem yi ta̱ a kuwala wu mayin, vi ta̱ kpamu o kuyongo m megeshe a aduniyan a nam pa.”

A̱ɗa̱ muku, panakai mmaci n ɗa̱, adama a na a̱ɗa̱ uma a Vuzagbayin ɗa, adama a na ili i singai i ɗa i na i gaꞋin i yaꞋan.