Mavhesi emuBhaibheri Ane Mukurumbira kubva kuna Afisu 5

Pakurirana nevamwe

Yongoi tsu na Ka̱shile ki, adama a na a̱ɗa̱ muku n ni n ɗa n na u cigai ka̱u. Ciga uma ayin tutu uteku u na Kishi ka cigai tsu, ali ɗa u kuwa̱i adama a̱ tsu. U nekei wuma u ni tsa alyuka u Ka̱shile, ɗaɗa wo okpoi ci ili i ma̱gula̱ni† a̱ ubuta̱ u Ka̱shile.

Adama a nannai, zukai n uteku u na yi o kuyongo. Ka̱ta̱ i yongo tsa alau ba, amma yongoi n ugboji. YaꞋin ulinga n ayin a na i ciya̱i dem adama a kuyaꞋan ulinga u singai, adama a na uma a ci yaꞋan ta̱ kagbani-gbani a ayin a nam pa a.

Ka̱ta̱ i soꞋo ali ma maka ɗa̱ ba, adama a na ili i nan lo i ɗaɗa i kula̱nga̱sa̱ ɗa̱. A na ya yaꞋan nannai, ka̱sa̱kpa̱i Ayinviki a̱ Ka̱shile a shana punu wa̱ ɗa̱. Cananai ishipa i kucikpa Ka̱shile kakau dem adama a na i nekenei katsura ka̱ a̱ɗu. YaꞋin ishipa i na i kucikpa Vuzagbayin n a̱ɗu a̱ ɗa̱ dem. Nekei Ka̱shile Esheku a̱ tsu tsugbayin ayin tutu, adama a Vuzagbayin vu tsu Yesu Kishi.

Ka̱ta̱ yo okpo alau ba, amma piꞋisai ili i na Vuzagbayin wi a kuciga i yaꞋan.

A̱ɗa̱ ali a na i yaꞋin yolo, yaba dem u ciga vuka vi ni, uteku u na Kishi ka cigai a̱Ꞌisa̱ a aza o Kutoni ali u kuwa̱i adama a ɗa

N ayin a cau, yi ta̱ a̱ ka̱yimbi, amma gogo na yi ta̱ uɓolongi n Vuzagbayin, ɗa i uwai kpamu a kutashi. Tsu nan lo i yongo an uma a na i a̱ ubuta̱ u kutashi.

Panakpanai, adama a na i neke Kishi tsugbayin.

A̱ɗa̱ a̱ma̱ci, panakai ali a̱ ɗa̱ uteku u na yi a kupanaka Vuzagbayin

Amma ili i nam pa ya feu mayun ɗa wa̱ ɗa̱: mayun ɗa vali dem u ciga vuka vi ni tsu na u cigai ka̱ci ka̱ ni, vuka kpamu dem u neke vali vi ni tsugbayin.

Uteku u na Katagarda ka Ciɗa ka danai, “Vuza u ka̱sa̱kpa̱ esheku a̱ ni n a̱na̱ku a̱ ni ka̱ta̱ u yaꞋan yolo, ele aza e re e le o okpo vi te.”

Ka̱ta̱ i ɓolongu ka̱ci ka̱ ɗa̱ a kuyaꞋan ili n uma a na i a̱ ka̱yimbi ba. Ili i nan lo ya i wasasa i ɗa. A na ya yaꞋan nannai, zuwai uma e yeve a na ili i nam pa i gbani-gbani i ɗa.