Amose 7
7
Waenelo Asatu wʼElanyelu
17 Khumadiondjo Latuyalaka akamenya dikambu ne. Enda ndi akatungi endjo lʼetena kakatatela diango ntumba, etena kako kaki lʼokongo a dinela dia khumʼekanga. 2Lʼokongo diku lamʼakawashili nde adiyu wa la kete, ku dimi lakati nti:
We Khumadiondjo Latuyalaka,
udimanyia Jakoba kolo,
Mbakosengasengami.
Ukundi ayundeya memala?
Ndi eko tshitshe!
3Latuyalaka akalembe utema lu dika
mbu so;
Dio hadiuyala, mbata Latuyalaka.
4Khumadiondjo Latuyalaka akamenya enelo kene. Enda, Khumadiondjo Latuyalaka aki lu mbeta antu dia mbalumbuya la dja, ku yo yakatshumbi ohongo a wuki, yaki lu numbialumbia ladiku dia kete. 5Ku dimi lakati nti:
Khumadiondjo Latuyalaka li,
lambukosengasenga nti: Utukukunga!
Ukundi ayeya Jakoba memala?
Ndi eko tshitshe efula!
6Latuyalaka akalembe utema lu
dikambu so;
Ndu dikambu diako hadiuyala, mbata
Latuyalaka.
7Ndi akamenya enelo kene. Enda, Khumadiondjo Latuyalaka akemadi lʼumamu wʼeheli kakatshama lʼokodi wa wedikelu. Ndi aki lʼokodi wa wedikelu lu lunya landi. 8Latuyalaka akamumbula ati: Amose, kenaye na? Ku dimi lakûkaluya diui nti: Okodi wa wedikelu. Ku Khumadiondjo akati ati:
Enda, dimi layukitsha okodi wa
wedikelu
Lʼatei wa wudja ami Isariyele.
Dimi haluwadimanyia ntu pundju.
9Alunga wa Isaka wayulanyema,
Temwelo dia Isariyele dia; uhandjwama
vwa.
Dimi layunela dia ndo la khumbu
Ka Jeroboama la yombo.
Amose la Amaziya
10Ku Amaziya, olombedi wa la Betele, akatumi diui le Jeroboama, khumʼekanga ka Isariyele, ati: Amose ambukudjela sheki lʼatei a khumbu ka Isariyele, wudja hiwukike aui andi tshe. 11Ne dia Amose akati ati:
Jeroboama ayudiakenia la yembo.
Mete, Isariyele wayotolama lu fumbi,
Etali uma lu kete yawo.
12Amaziya akatela Amose ati: We, omenyi wʼakambu wahatayi, utshu, ulawo utsha lu kete ya Juda: utolekaki mi leko, utataka akambu wahatayi leko. 13Keli tutaki akambu wahatayi ntu la Betele, ne dia Betele eli etemwelo ka khumʼekanga, ndu luudu la khumʼekanga.
14Ku Amose akakaluya Amaziya diui ati: Dimi taki umvutshi kuyanga onʼa umvutshi, keli dimi laki ulami wa dungalunga, la umunyi wʼetamba wa khumu. 15Latuyalaka akambose lamʼakatalamaka ekoko, akamvutela ati: Tshoka, tuteli wudja ami Isariyele akambu wahatayi.
16Kakiane, ulungi diui dia Latuyalaka.
We mvutaka wati: Tutaki akambu
wahatayi
Lu dikambu dia Isariyele,
Ndu tusambishaki nduku diui
Lu dikambu dia khumbu ka Isaka.
17Uma lu dikambu so, mbata
Latuyalaka ati:
Wadeye ayuyala kanga munanyi
lʼusumba.
Anʼaye wʼapami la anʼaye wʼamantu
Wayudiakema la yombo,
La kete yaye yayukahanyema lʼokodi.
Weme ayuvo lu kete ya mindu.
Mete, Isariyele wayotolama lu fumbi,
Etali uma lu kete yawo.
Trenutno izbrano:
Amose 7: TLL
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
La Bible en Otetela © Allianee Biblique de la Republique Democratique du Congo, 1991