Amose 6
6
Elanyelu ka Isariyele
1Mananu kayali le amenyi olo wa la
Siona,
Ndu le wane weli la lutui tshitshi
lʼukungu wa Samariya,
Le antu a waki wa lu wudja wuleki
wedja,
Wako watuyakaka khumbu ka Isariyele
le wo.
2Nyeti la Kalane, nyutendi;
La uma leko, nyuteti la Hamata ka
wuki,
Ku nyu ntuhulo utsha la Ngata kʼasi
Filistiya.
Undi, vo ndeka waulelu ane ololo?
Kana kete yawo ndeka kete yanyu
wuki,
3Nyu wane watanganyaka lushi la kolo
etali.
Ku nyatusukanyaka akambu wa ngala
dia vo ndjala suki?
4Mananu kayali le wane wetami lu
tangi yʼewanga,
Watuyakokolaka lu mbetu yawo;
Watolekaka esongo wʼekoko wʼuma
lu limba,
La esongo wa ngombe wʼuma lʼukutu.
5Vo watimbaka esambu otekoya la
akembi,
Watuyatshelaka dihumahuma uku
Davidi.
6Vo watonokaka wanu lu dikoho dia
wuki,
Watuyashinulaka biso diʼushinga a
wulu,
Keli vo hawutunyangaka dia elanyelu
ka Josefu.
7Okone vo wayutatela ntsho lu fumbi,
Kame la wane watatshu lu fumbi,
Ndu ongenongeno a waku watuyakokolaka
wayushila.
8Khumadiondjo Latuyalaka akayatshibi
ndame
(Latuyalaka, Unyashungu Kanga
lulimbilimbi kata) ati:
Dimi mbukaka utaku wa Jakoba
wononyi otekoya,
Dimi latuhetshaka mvudu yandi ya
khumʼekanga.
Dimi layukimo usumba la kene tshe
keli loko.
9Naka antu dikumi wayutshikala lu luudu otoi, vo wayuvo. 10Lamʼayosa one luto lʼuntu untu lambuvo dia mbutshumba, lamʼayundutundja weka uma lu luudu, ndi ayumbula one leli lʼetei a luudu ati: Untu omotshi eko kame la ye ntu? Ku untu ako ayukaluya diui ati: Nduku untu. Ku ukina ayuwutela ati: Uyali ki! ne dia shu hateyi nyimula lukumbu la Latuyalaka.
11Nyulungi, ne dia Latuyalaka
ambudjanga,
Ndi ayete luudu la wuki weshu weshu,
La mudu la tshitshe elonge elonge.
12Undi, nyu wane watukadimulaka
sambu kʼololo lolengo,
La ulua wʼakambu wʼusimbwi ululu,
Falasa udawoka ladiku dia dive?
Untu nkendjakendjaka ngombe la
lungu ladiku diadio?
13Nyu wane watongenangenaka lu engo
kʼanyanya.
Watutaka nyati: Uma lu khudu kasu,
Mbakatakundja wulu asu.
14Diako mbayumunyiya wudja omotshi,
Dia vo ndo la nyu, nyu khumbu ka
Isariyele.
Vo wayunyusuya umaka eotwelo ka
Hamata
Edja ndu lu kyoko ya Araba,
Mbata Latuyalaka, Unyashungu
Kanga lulimbilimbi.
Trenutno izbrano:
Amose 6: TLL
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
La Bible en Otetela © Allianee Biblique de la Republique Democratique du Congo, 1991