Génesis 15
15
Abramwan Dios pacto ruwasqanmanta
1Chaykunapa qepantam Abramman rikuriykuspan Tayta Dios nirqa:
Abram, ama manchakuychu,
ñoqam waqaychasqayki,
llumpaytataqmi apuyachisqaykipas, nispan.
2Chaymi Abram nirqa:
Dios Taytalláy, ¿imapaqtaq imatapas qowankiman mana churiyuq kachkaptiyqa?
Wasiypiqa kachkan Damascomanta kaq mayordomoy Eliezerllam. 3Churitapas manataq qowachkankichu, chaynaqa wasiypi naceq criadoy Eliezerchiki tukuy imaykunatapas chaskinqa, nispa.
4Chaymi Tayta Dios nirqa:
Manam paychu herenciayki chaskiqqa kanqa, aswanqa churikipunim, nispa.
5 #
Ro 4.18; Heb 11.12. Abramta Tayta Dios hawaman pusaruspan nirqa:
Qaway cielopi chaskakunata, ¿yupayta atiwaqchu? Wakna mana yupay atinam miraynikikunapas kanqa, nispa.
6 #
Ro 4.3; Gl 3.6; Stg 2.23. Tayta Diosman iñisqanraykum Abramqa mana huchayuqpaqña chaskisqa karqa. 7Chaymantam Tayta Dios nirqa:
Ñoqam Tayta Diosqa kani. Ñoqam Caldea law Ur llaqtamanta hurqomurqayki kay allpata qanman herenciata qonaypaq, nispa.
8Abramñataqmi nirqa:
Dios Taytalláy, ¿imaynatataq yachasaq kay allpa herenciay kasqanta? nispa.
9Chaymi Tayta Dios nirqa:
Apamuway huk vaquillata, huk cabrata chaynataq huk carnerotapas kimsa watayuqtakama, apamuwaytaq huk kullkuta chaynataq huk mallqo palomatapas, nispa.
10Chaymi Abramqa chay animalkunata apamuspan chawpimanta iskayman chitqarurqa, hinaspam sapakamata chimpapurata churarqa, palomatawan kullkutam ichaqa mana chitqarqachu. 11Chay nakasqan animalkunapa hawanman ullachkukuna tiyamuptinmi Abramñataq manchachirqa. 12Inti seqaykuytam Abramta sinchi puñuy aysaykurqa, hinaptinmi manchakuypaq tutayay intuykuptin anchata mancharikurqa. 13#Ex 1.1-14; Hch 7.6.Chaymi Abramta Tayta Dios nirqa:
Miraynikikunaqa cheqaptapunim hukpa llaqtanpi yachanqaku, hinaspam chay runakunapa esclavon kaspanku tawa pachak wata ñakarichisqa kanqaku. 14#Ex 12.40-41; Hch 7.7.Ñoqañataqmi ñakarichiqninku nacionta ñakarichisaq, chaymantam miraynikikuna llumpay apu lloqsimunqaku. 15Qamñataqmi hawkayaypi unay watakunata kawsakunki, yuyaqyaynikipiña wañukuspam ñawpaq taytay-kikunapa kasqanman rinki. 16Tawa kaq miraynikikunam kay allpaman kutimunqaku, chaykamam Amor casta runakunata huchallapiña kachkaptinkupas manaraq chinkachisaqchu, nispa.
17Inti seqaykuyta sinchita tutayaruptinmi rikurirurqa huk qosnichkaq hornowan lenwachkaq nina, hinaspam chitqasqa animalkunapa chawpinta pasarqa. 18#Hch 7.5.Diosmi Abramwan chay punchaw huk pactota ruwaspan nirqa:
Miraynikikunamanmi kay allpata qosaq, Egipto mayumanta Eufrates hatun mayukama. 19Qosaqtaqmi ceneokunapa, cenezeokunapa, cadmoneokunapa, 20heteokunapa, ferezeokunapa, refaitakunapa, 21amorreokunapa, cananeokunapa, gergeseokunapa chaynataq jebuseokunapa allpantapas, nispa.
Currently Selected:
Génesis 15: RCQ12
Označeno
Share
Copy
Want to have your highlights saved across all your devices? Sign up or sign in
Chuya Qellqa - La Biblia en Quechua de Ayacucho - Edición Revisada © Peruvian Bible Society, 2012