ฮักไก 1
1
เห่ว เหธย หฒั่ง ทิน-ฮู่ง เญย เปย๊า
1เยียม ดาลิอัด โหฒว ฮู่ง เตี๋ย ตะเหญ่ย หฮญัง หลัวะ หฮลา แซง-เยี้ยด, เฒี้ยว หล่ง โต่ว หว่า เมี่ยน, ฮักไก, โต่ว หว่า บั๋ว เซอันทิเอน เญย ตอน, ยูดา เญย แซ้ง-เฒี้ยว, เสลุบบาเบน, เหธา เยโฮซาดัก เญย ตอน, โยซูวา ต้ม ไซ เมี่ยน.#เอสะลา 4:24—5:2; 6:14
2เน่น เจี๋ย เญย เฒี้ยว ฮนั้ง น้าย นอ ก๊อง, “น้าย เต๋ย เมี่ยน ก๊อง, ‘อี้ หฒั่น ไม้ แก้ง เถา เฒี่ยง โห่ เหธย หฒั่ง เฒี้ยว เญย เปย๊า.’”
3 เฒี้ยว แอ๋ง หล่ง โต่ว หว่า เมี่ยน, ฮักไก, โต่ว หว่า ก๊อง, 4“ฮนั้ง หน่าย, อี้ หฒั่น เถา เฒี่ยง โห่ เม่ย บัว กั้น เยียม เหธย ต้าย หลง เญย เปย๊า, กวั่ง เจี๊ยน หฒั่ง เฒี้ยว เญย เปย๊า เป๋น เปย๊า-บาง ไฟ?”
5อี้ หฒั่น เน่น เจี๋ย เญย เฒี้ยว ฮนั้ง น้าย ก๊อง, “ฮนั้ม หมั่ง ก๋า, เม่ย บัว ฮนั้ง หาย นอ เยียม! 6เม่ย บัว หฒวัง ธั้ม มป่า เซียว ตุ๊ โหฒะ. เม่ย บัว ตุ๊ หญั่น มป่า เหยียด ลิ์ว ไม้ เป๊ว. ตุ๊ ฮบ มป่า เหยียด ลิ์ว ไม้ เก๋า. เม่ย บัว ตุ๊ ลุย-โหว ฒุ มป่า ไม้ ม่าย หาย เต้า เซี้ยว. หาย เต้า ตุ๊ กง-ฒิ่น หย่า ไม้ เก๋า ยู์ง แหม่ง.”#1:6 ฮิบลู หว่า ก๊อง “ตุ๊ กง-ฒิ่น ตั๊บ บัวะ มป่า บัวะ ทง ค้วด เญย.” เอ๋ย เล์ย เซ ไม้ เก๋า หญั่น.
7เน่น เจี๋ย เญย เฒี้ยว ฮนั้ง น้าย ก๊อง, “ฮนั้ม หมั่ง ก๋า, เม่ย บัว ฮนั้ง หาย นอ เยียม! 8อ๋อย หฒุ ฝาว วั้ว เจี๋ย บง ล์อ เดี๋ยง ต้าย โหฒว หฒั่ง เฒี้ยว เญย เปย๊า. ฮนั้ง หน่าย เยีย ฯฒฯ อะเฮน้ย น้าย นอม เปย๊า หย่า ตุ๊ เมี่ยน ท่าย เยีย.”
9เน่น เจี๋ย เญย เฒี้ยว ฮนั้ง น้าย ก๊อง, “เม่ย บัว ฮนั้ม ต้าย เม่ย บัว ตุ๊ เซียว ธั้ม มป่า ตุ๊ โหฒะ. เม่ย บัว เซียว กะน้าย เถา เปย๊า, เยีย หย่า โหฒว หว่าย.#1:9 โหฒว หว่าย ไฟ ปย๊ม กวั่ง. เหว่ย หาย ติ่ว? เหว่ย หฒุ เยีย เญย เปย๊า หธ่อ เป๋น เปย๊า-บาง. เม่ย บัว เก๊าะ-เมี่ยน ขูง โก๋ว เก๊าะ-เมี่ยน กั้น เญย เปย๊า ฮนั้ง. 10เหว่ย น้าย ลู่ง ไม้ ปุน บยู่ง-ซุ้ย เหฌี่ย. เดา หย่า ไม้ ธ้วด แกง-หฒวัง. 11เยีย เห่ว เต่ย-ปูง ฮ์าน, ปุน เดา ฆาย, เลี่ยม เด่ย เลี่ยม บง, เบย้า เด่ย, อะหงุ่น หฮวีง, กะลั้น หฮวีง เหธา เดา ธ้วด เญย หญู่งๆ กะน้าย, เลี่ยม เมี่ยน เลี่ยม แซง-คู้ แอ๋ง เหธา เม่ย บัว เญย ปั์ว โหฒว เญย เหยียด ฒู้ง กง.”
แปะ ฝีง หมวัง เฒี้ยว เญย หว่า
12ฮนั้ง หน่าย, เซอันทิเอน เญย ตอน, เสลุบบาเบน, เหธา เยโฮซาดัก เญย ตอน, โยซูวา ต้ม ไซ เมี่ยน เหธา เหยียด ฒู้ง หฒุ กว๊าด มี่ง หฑวน ต้าย เญย แปะ ฝีง#1:12 ไฟ “ไม้ หฒุ กว๊าด มี่ง เหฒ่ง เหฌี่ย เญย เมี่ยน”. หมวัง เฒี้ยว, นิ่น บัว เญย ทิน-ฮู่ง, เญย เฉีย เหธา โต่ว หว่า เมี่ยน, ฮักไก, เญย หว่า เหว่ย หฒุ เฒี้ยว, นิ่น บัว เญย ทิน-ฮู่ง, พ้าย นิ่น ต้าย. หฒวัง แปะ ฝีง หย่า ท่าย เฒี้ยว.
13 เฒี้ยว เญย โต่ว เฝียน เมี่ยน, ฮักไก, โต่ว เฒี้ยว เญย หว่า บั๋ว แปะ ฝีง, “เฒี้ยว ก๊อง, ‘เยีย เหธา เม่ย บัว เยียม.’” 14เฒี้ยว ต์ง หฒุ เซอันทิเอน เญย ตอน, ยูดา เญย แซ้ง-เฒี้ยว, เสลุบบาเบน, เหธา เยโฮซาดัก เญย ตอน, โยซูวา ต้ม ไซ เมี่ยน, เญย เฮญี้ยว, หย่า ต์ง หฒุ หฒวัง แปะ ฝีง เญย เฮญี้ยว. นิ่น บัว ฯฒฯ ต้าย เหธย เน่น เจี๋ย เญย เฒี้ยว, นิ่น บัว เญย ทิน-ฮู่ง, เญย เปย๊า. 15เซ เยียม ดาลิอัด โหฒว ฮู่ง ตะเหญ่ย หฮญัง, หลัวะ หฮลา, หญี่ เหฒียบ เฝย วั้ว ฮนอย เจี์ย กอน.
Trenutno izbrano:
ฮักไก 1: IuMiTH
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Mien Bible (Thai Script) © Thailand Bible Society, 2007