เสฟันยา 3
3
เยลูซาเลม เญย โฮ์ ฆาง เญย สี่
1แหง่ง เจี๊ยน แอ๋ง ม่าย หวุย,
หย่า ปุน กั้น เญย เมี่ยน หฒุ เหฒย วั้ว นอม ฒี่ง,
อ๋อย หฒุ โค้ว อ๊ะ.
2น้าย นอม ฒี่ง#3:2 ฮิบลู หว่า ก๊อง นิ่น, มป่า ก๊อง หฒุ วั้ว นอม ฒี่ง เหธา วั้ว นอม ฒี่ง เญย เมี่ยน. ไม้ หมวัง หาย เต้า เญย หว่า,
หย่า ไม้ หมวัง หาย เต้า เบ๊าะ หฌาว.
นิ่น บัว ไม้ เขา เฒี้ยว,
หย่า ไม้ มี่ง นิด ฟัด นิ่น บัว เญย ทิน-ฮู่ง.
3ฒี่ง กะญั์ว เญย เจียน ฮนั้ง ฌุ่น เจี๊ยน เญย เซี่ยน.
ฒี่ง เญย เซี้ยม ฒุ์ย เจียน เป๋น ลู่ง ม์าน-หฮมวัง
ล์อ หญั่น เญย เฮยี่ย จู๊,
ไม้ เลี่ยว เหยียด อ๋า เถา ลู่ง ดอม.
4ฒี่ง เญย โต่ว หว่า เมี่ยน ปู๋ง หว่า-เหมา,
ไม้ เหฒียบ ฒัวะ เญย โหฒว.
ฒี่ง เญย ไซ เมี่ยน ปุน ธีง-เหฑ่ง เญย กะน้าย ม่าย หวุย,
นิ่น บัว โหฒว เพียน ทิน-ฮู่ง เญย เล์ย-หลัด.
5 เฒี้ยว เยียม ฒี่ง กะญั์ว โหฒว หอบ,
ไม้ โหฒว หาย หญู่ง หว่าย เญย สี่.
ดอมๆ นิ่น ปุน ธีง นิ่น แป้ง ฟิม เญย,
ไม้ ม่าย หาย ฮนอย นิ่น ปู๋ง ด๊อด,#หน่าน ฒี่ง ฑูง 3:22-23
มป่า ไม้ แป้ง ฟิม เญย เมี่ยน ไม้ ฮิ้ว ตุ๊ ไญ้.
6“เยีย, เฒี้ยว, เหมียด เหฑ่ง หม่าน กั๊วะ เมี่ยน.
นิ่น บัว เญย ฒี่ง ล่าว หฒุ ป่าย หว่าย เหฑ่ง,
เยีย ปุน นิ่น บัว เญย จาย-ห่อง ฮวาง,
ไม้ ม่าย เจี๋ย เจ๊า เญย เมี่ยน.
นิ่น บัว เญย ฒี่ง หฒุ เหมียด เหฑ่ง,
ไม้ ม่าย เมี่ยน, หฒะเก้ง ไม้ เหฒ่ง เหยียด เต้า.
7เยีย ก๊อง บั๋ว น้าย นอม ฒี่ง เญย เมี่ยน,
‘ต๋าย เม่ย บัว หฒะเก้ง อ๋อย ท่าย เยีย,
อ๋อย หมวัง เยีย เบ๊าะ หฌาว.
นิ่น บัว เหยียด ลิ์ว ไม้ หละคุ#3:7 ม่าย เต๋ย โล์-ฮนอย โซว ก๊อง, เหยียด ลิ์ว ไม้ หละคุ. ฮิบลู หว่า ก๊อง “นิ่น บัว เยียม เญย ต๋อง ไม้ หฒุ ไพ กวั่ง”.
เยีย หฌาว นิ่น บัว เญย เหยียด ฒู้ง สี่.’
มป่า นิ่น บัว เหยียด เฒย ม่าย เฮญี้ยว
ปุน นิ่น บัว โหฒว เญย เจ๊า หว่าย เหฑ่ง อ๊ะ.”
8 เฒี้ยว ก๊อง, “ฒั้ว เจี๊ยน เยีย ม่าะ!
ฒั้ว เยีย เจี์ย ต้าย โหฒว ฒอง-เหฒง#3:8 โหฒว ฒอง-เหฒง เซ กัน กีก หว่า. ฮิบลู หว่า ก๊อง ฮนั้ง เต๋ย ฝาว ต้าย ธ้าง วั้ว โจ๋ว. วั้ว ฮนอย,
เหว่ย หฒุ เยีย ตี่ง เฮญี้ยว อ๋อย เห่ว
หม่าน กั๊วะ หม่าน ฝีง เมี่ยน ต้าย กั๊บ ฒุ้น,
ปุน นิ่น บัว หฒุ เยีย โน์ว นิ่น บัว,
กะเฉีย แป๊ด ธ้วด,
เฉีย เจี์ย เจี๊ยน ฮนั้ง โต์ว นอ,
ปั๊ว เหฑ่ง ป้าม เกน.
9เถา วั้ว หฒั่น เยีย อ๋อย ปุน หม่าน ฝีง เญย ฑุ่ย
ขูง ก๊อง ธีง-เหฑ่ง เญย หว่า,
เหว่ย โจ้ว เยีย, เฒี้ยว, เญย บั๋ว,
หย่า ต้ง ติ่ว เฮญี้ยว ฟู-สู เยีย.
10โจ้ว เยีย วั้ว เต๋ย,
เซ ต้ง เยีย ปุน หฑาน
เยียม วั้ว หง่าน หฒิ เอทีโอเปีย เญย ด้าย วั้ว เต๋ย เมี่ยน,
อ๋อย ต้อ กะน้าย ต้าย ฝ่ง ห่อ ปุน เยีย.
11เถา วั้ว ฮนอย เม่ย บัว ไม้ หฒุ
เหว่ย เม่ย บัว แหง่ง เยีย เญย สี่ หฒุ ไญ้ อ๊ะ,
เหว่ย หฒุ วั้ว หฒั่น เยีย อ๋อย เยียม เม่ย บัว บุด๋ง หฒุ่น ฆอย
อะเฮน้ย ปู๋ง หว่า-เหมา เญย เมี่ยน.
เม่ย บัว เหยียด ลิ์ว ไม้ ตุ๊ เยียม
เยีย เญย ธีง-เหฑ่ง บง โหฒว เหมา.
12เยีย อ๋อย เลี่ยว เหฌี่ย ส่วน เญย,
เหญี่ยม กั้น โหฒว ไฝ เญย เมี่ยน เยียม เม่ย บัว บุด๋ง.
นิ่น บัว ฒู้ง อ๋อย ด้าว เขา เยีย, เฒี้ยว, เญย เม่ง.
13เหฒ่ง เหฌี่ย เญย อิสะลาเอน เมี่ยน,
ไม้ โหฒว ต่อง หาย หญู่ง.
นิ่น บัว หย่า ไม้ ก๊อง-แปะ,
ไม้ ก๊อง หว่า ดั๊ว เมี่ยน.#หล่าว ย่าง 14:5
นิ่น บัว ตุ๊ หญั่น แอ๋ง เปว๋ย เหฌี่ย
หย่า ไม้ ม่าย หาย เต้า แฮะ นิ่น บัว กั้ม เหฑีย.”
14โอ สิโอน เญย เมี่ยน#3:14 ฟาน หฒะ ก๊อง สิโอน เญย เซียะ. อ้า! อ๋อย หฒุ ป๋าว ฑูง.
โอ อิสะลาเอน เมี่ยน อ่า, อ๋อย หฒุ เห่ว บุย.
โอ เยลูซาเลม เญย เมี่ยน อ้า!
อ๋อย หฒุ หล่ง เหฑ่ง เฮญี้ยว เฌียน-โย่ว, ออน-เหลาะ.
15 เฒี้ยว กวั่ง ฆอย เม่ย บัว หฒุ ตี่ง ฒุ์ย เญย เจ๊า.
นิ่น หฒุ่น ธ้วด เม่ย บัว เญย วิน-วั้ง หมี่ อ๊ะ.
เฒี้ยว, อิสะลาเอน เญย ฮู่ง, เยียม เม่ย บัว บุด๋ง,
เยียม น้าย มี่ง ไม้ หฒุ กั้ม เหฑีย เหฒะ หน่าน.
16เถา วั้ว ฮนอย ม่าย หว่า ก๊อง บั๋ว เยลูซาเลม,
“โอ สิโอน อ้า! ไม้ ตู๋ง กั้ม เหฑีย.
ไม้ ตู๋ง ปุน เม่ย เญย ปั์ว เมา.
17 เฒี้ยว, เม่ย เญย ทิน-ฮู่ง, เหธา เม่ย เยียม.
นิ่น โหฒว เบ๊าะ จ๋า เฮ้น เญย แปง ปุน เม่ย ฮี่ง เจี๋ย.
นิ่น ฒู้ง เหว่ย เม่ย อ๋อย อะเฮน้ย ออน-เหลาะ.
นิ่น ฮนั้ม เม่ย ฯฒฯ อ๋อย เหธย เม่ย เจี์ย ต้าย.
นิ่น อ๋อย เหว่ย เม่ย ออน-เหลาะ เญย ป๋าว ฑูง บุย,
18ฮนั้ง เมี่ยน เยียม เจี๋ย ฒิบ เญย ฮนอย ออน-เหลาะ นอ.#3:18 ฮิบลู หว่า เญย เอ๋ย เล์ย เซ ไม้ หนั่ง เม่ง.
เยีย อ๋อย เฒาะ ฆอย, ไม้ ปุน เม่ย หฒุ เหฒะ หน่าน.
เม่ย ฯฒฯ ไม้ หฒุ เตี๊ย เมี่ยน หมั่ง เผีย เญย สี่.
19เถา วั้ว หฒั่น เยีย อ๋อย โหฒว ปุน
เหฒย เม่ย วั้ว เต๋ย เหยียด ฒู้ง เมี่ยน หฒุ ตี่ง ฒุ์ย.
เยีย อ๋อย เหฌียว เหฒา ไบ เญย เมี่ยน
หย่า เซียว ฒุ้น หฒุ หฑาน เญย เมี่ยน.
หฒุ ไญ้ เญย เจ๊า เยีย อ๋อย ทิ้ว ปุน เมี่ยน เธง,
ปุน ม่าย เม่ง เต้า ปวั๊ง ลู่ง เดี๊ย.
20เถา วั้ว หฒั่น เยีย อ๋อย ต้อ เม่ย บัว ต้าย ฒุ้น.
เซ เซียว เม่ย บัว เยียม ฒุ้น ต้อ เม่ย บัว หฑวน.
เยีย อ๋อย ปุน เม่ย บัว เยียม หม่าน ฝีง เมี่ยน บุด๋ง
ม่าย เม่ง เต้า หย่า ตุ๊ เมี่ยน เธง,
ต้ง เยีย ตอง เจี๊ยน เม่ย บัว ปุน เญย เฒี่ยง โห่,
เม่ย บัว อ๋อย ตุ๊ หลง ฮนั้ง โล์ วั้ว นอ.”
น้าย เซ เฒี้ยว ก๊อง เญย หว่า.
Trenutno izbrano:
เสฟันยา 3: IuMiTH
Označeno
Kopiraj
Primerjaj
Deli
Želiš, da so tvoji poudarki shranjeni v vseh tvojih napravah? Registriraj se ali se prijavi
Mien Bible (Thai Script) © Thailand Bible Society, 2007