MATHAI 19
19
Kitenna leh khulna
(Mrk. 10.1-12)
1Tualeh hichi ahung hi a, Jesu`n hih thute agen khit in, Galili gam a pat apawt a, Jordan luigal a Judea gam lam ah a vapaita hi. 2Mihon tampi in amah ajui ua, huamun ah ana damsakta hi.
3Pharisaite zong a hungpai ua, amah ze-et nang in, “Bang jiak peuh in mi`n azi akhul asiang diam?” achi ua.
4Aman adawng a akiang uah, “A tu`ng a kipan amauhte siampa`n numei leh pasal ana siam hi chih Laisiangthou simkhalou nahi uh hiam? #Gen. 1.27; 5.2. 5‘Hihjiakin pasal in anu leh pa nusia in azi atu ding, tuachi`n nih pen sapum khat ahung hita ding uh,’ achi hi, chih sim khalou nahi uh hiam? #Gen. 2.24. 6Tuachi`n amau nih ahi nawn takei ua, sapum khat ahita uhi. Tuajiakin Pasian gawmsa mihing in khen kei hen,” achi hi.
7Amau`n a kiangah, “Ahihleh bangding a Mosi in khulna lai piak a khulding ahi chia thu pia ahia?” achi ua. #Deut. 24.1-4; Mat. 5.31.
8Aman a kiang uah, “Mosi in na lungtang uh khauh jiak a na zite uh khul ahung phalsak ahi, hinanleh atu`ng a kipan hihbang ahi-ngai kei hi. 9Kenjaw kung hilh ahi, kuapeuh midang tawh kingaihjiak hilou a, zi khul a midang tawh kiteng tuh angkawm ahi; kuapeuh khulsa tawh kiteng zong angkawm ahi,” achi hi. #Mat. 5.32; 1 Kor. 7.10,11.
10A nungjuite`n a kiangah, “Pasal azi tawh tungtang thu huachi ahihleh kiten ahoih kei,” achi ua.
Zi, Pasal neihlouh thu a Jesu`n sinsak
11Hinanleh aman akiang uah, “Hih thu kigen pen akiang ua piak a om mite loungal kuaman a pomthei kei ding uhi. 12Michilgeh khenkhat anu uh gilsung a kipan-a huachi bang a piang mawng a om ua; michilgeh khenkhat mihing gehthuh a om a, tualeh michilgeh van gam jiaka chilgeh a kibawl tawm zong a om uhi. Kuapeuh a pomthei in pom uheh,” achi hi.
Jesu`n naupang neute agual jawl
(Mrk. 10.13-16; Luk. 18.15-17)
13Huahun laiin atung ua akhut nga a a thumsak dingin a kiangah naupang neute ahung paipih ua; hinanleh nungjuite`n anatai ua. 14Hinanleh Jesu`n, “Naupang neute ka kiang a ahung pai ding uh phalsak un, amauhte kham kei un; van gam pen hichi bang mite a ahi,” achi hi.
15Tuachi`n atung uah akhut a nga a, hua a pat in apaita hi.
Tangval hausa Jesu`n thu ahilh
(Mrk. 10.17-31; Luk. 18.18-30)
16Tualeh ngaiin, mikhat hung paiin a kiang ah, “Siapa hoih, tangtawn hinna ka neihtheihna dingin silhoih bang ka bawl dia?” achi a.
17Tuachi`n aman a kiang ah, “Bang ding a mihoih hungchi na hia? Pasian chihlouh mihoih dang a om kei hi. Hinanleh hinna a nalut ut leh, thupiakte juiin,” achi hi.
18“Aman khoipen la?” achi a,
Jesu`n adawng a, “Tual nathahlouh ding ahi; ang nakawmlouh ding ahi; naguklouh ding ahi, juauthu in mi naheklouh ding ahi; #Exo. 20.13; Deut. 5.17; Exo. 20.14; Deut. 5.18; Exo. 20.15; Deut. 5.19; Exo. 20.16; Deut. 5.20. 19na nu leh na pa zahtak in; chihte leh nangmah na ki it bangin na innvengte na it ding ahi,” chih, achi a. #Exo. 20.12; Deut. 5.16; Lev. 19.18.
20“Tangvalpa`n hihte jousiah kaneu a pat ka juijingta hi, bang kasam nalai a?” achi a.
21Jesu`n a kiang ah, “Hoihbukim a om na utleh, pai inla naneih juak inla, mijawngte kiangah pia in, tuachi`n van ah gou nanei ding; tuakhit chiang in hungpai inla hungjui in,” achi hi.
22Hinanleh tangvalpa`n huathu azaktak in, lungkham takin a paimangta hi, sil tampi nei ahihjiak in.
23Tuachi`n Jesu`n a nungjuite kiangah, “Adiktak in kung hilh ahi, mihausa a ding in van gam lut a haksa ahi. 24Tualeh kung hilh kik ahi, mihausa Pasian gam a alut sang in, sangawngsau phinbil vang a alutpaisuak abaihlamjaw ding hi,” achi hi.
25A nungjuite`n hihthu ajaktak un, lamdang asa mahmah ua. “Ahuachihleh kua hundam in a omjou dia?” achi ua.
26Hinanleh Jesu`n amauh a en a akiang uah, “Hihpen mihing a dingin sil hitheilou ahi a, hinanleh Pasian a dingin sil bangkim ahithei hi,” achi hi.
27Tuachi`n Peter in a kiang ah, “Ngaiin, kou bangkim nusia in kung juita ua, bang kamu ding ua le?” achi a, adong a.
28Tuachi`n Jesu`n a kiang ah, “Adiktak in kung hilh ahi, gamthak ah, Mihing Tapa a thupina laltouna a atouchiang in, nou kei hungjuite, Israel nam sawmlehnihte vaihawm in laltouna sawmlehnih ah natou ding uhi. #Mat. 25.31; Luk. 22.30. 29Tualeh michih kamin jiaka a inn hiam, a sanggampa hiam, a sanggamnu hiam, apa hiam, anu hiam, azi hiam, atate hiam, gamte hiam nusia in alehja amu ding ua, tangtawn hinna atang ding uhi. 30Hinanleh mi tampi masapen a omte nunung pen in aom ding ua, nunung pen a omte masapen ahi ding uhi,” achi hi. #Mat. 20.16; Luk. 13.30.
Currently Selected:
MATHAI 19: THKHBSI
Označeno
Share
Copy
Want to have your highlights saved across all your devices? Sign up or sign in
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.