MATHAIIN 19
19
Isuan Ansen ruia Amanchu
(Mk 10.1-12)
1Hiva chong ngai dora azui suale Isuan Galili ata ase Jordon rala Judai rama ava tung. 2Hatuka mi tampan anuk azina hatuka aman hava han mi a mandam.
3Hatuka Pharisi ngai akom a honga ansin nana ama ha ei rakel u “Asik khat peia a nungak amak thei mo?”
4Aman a masanga, “Nangnin pore u mak che mo? Asin pun aphuta pasal le nupang ei sin. #Anp 1.27; 5.2 5Hatuka ei ti, ‘Hasik han min a pa le a nu maka a nungaka anpe inti hanke hava ha anni ha pumkhat ni inti.’ #Anp 2.24 6Hatuka hangai ha anni ni lai mak tenchu pumkhat hasik han Pathianin ei malop chu min sen no rase.” atia.
7Amanin ama ha ei ti u, “Hanle Mosin ichangmo anmakna lekha peka ansenna riti ei pek.” #Dan 24.1-4; Mt 5.31
8Aman hangai ha, “Na malung ei anchang u sika Mosin nangni rang na nungak u ngai ha amakna ei na pek u. Ten aphut ata hantin nimak. 9Hatuka kei na ti ni u zei, uire sialna noka a nungak amaka atei alak chu ama ha ui are hatuka ha anmak ha alak tak ha amam ui are.” #Mt 5.32; 1 Kor 7.10-11
10Zolai ngaiin ama ha ati, “Nungak sika hantin han aniten nungak la lui asa,” ati u.
11Aman hangai rang, “Mi doran pom mak. Tenchu theina anpek ngai rong keng athei, 12Asik chu a nu von sung ata hantin han thaidor a om ei anzirpui, hanuk thaidor a om min ei tho hanuk thaidor a om vanram sika aninga thaidor ei chang. Apom thei takin pom rase,” ati pe.
Naipang Sika Anchuna
(Mk 10.13-16; Lk 18.15-17)
13Hava han naipang hozetmo ama kom a hong antuanga aman hangai chunga kut ei dapa bor ei zong pe ranga hava han zolai ngaiin hangai ha a ngo u na. 14Tenchu Isuan ei ti, “Naipang ngai ha ka kom manhong u ro, not u no ro, asik chu vanram hi hiva ang mi ngai ta ke.”
15Hanuk aman hangai chunga kut a dapa havan ata ase.
Ruathar Aneipa
(Mk 10.17-31; Lk 18.18-30)
16Hatuka enro, mikhat a honga a kom, “O minchupu, ringanlonna kei man na rang hong sin asa mo kei tho rang,” ati na. 17Aman ati pe, “Asa ruia ichangamo nei na rakel asa hi angkhat dak a om tenchu damnana na lut zot ten chongpek ngai zi ro.” 18Aman, “Hova chongpek ngai mo,” ati. Isuan hiva hi ati, “Mi that no ro, uire no ro, anru no ro, milak chong ril no ro. #Ant 20.13-16; Dan 5.17-20 19Na nu, na pa lalchi tho ro hatuka na in kol mi ha nang nei andit anga adit ro.” #Ant 20.12; Dan 5.16; Lev 19.18
20Ha ruathar han ati pe, “Hava ngai dora kei mang zit sua ke atun imo kei lan sam ala om.” 21Isuan ama ha, “Adik rang na zot ten se tan nei don ngai dora zuar tan hatuka anriang ngai pe ro hava han vanrama nei manin na ti, hatuka hong ro ka nuk hong zi ro,” ati. 22Tenchu hiva chong ariata ha ruathar ha a malung ana na ase asik chu achalaka anei. 23Hanke Isuan a zolai ngai ha ei ti, “Ataka kei na ti ani u zei anei ngai ranga vanrama lut antak. 24Kei na ti ret ani u zei, Pathian rama anei ngai alut nek ten simphuai kuana makingkang alut abei ual.”
25Hava ariata zolai ngai achalaka achang ei mandong u na. “Hanle tumo sandam aman rang?” ati u.
26Isuan hangai tiang anhoia a ena, “Miring ranga chu theirua nimak ten Pathianin atho kiar thei,” ati.
27Hanke Pitorin a masanga, “Enta, koinin aloma nei maka na nuk nei zi ni zei imo man ma ni,” ati u.
28Isuan hangai ha ei ti, “Ataka kei na ti ni u zei ka nuk azi doran ansinthar ret le Miring Sapa ei lianna le reng chomphanga ansut inti hatika nang nim reng chomphang somleianni han ansuta Israel chi somleianni ruiril un na ti. #Mt 25.31; Lk 22.30 29Hatuka ka raming sika a in, a parual, a sarzuar, a pa, a nu, a nai, a phai amak tak chu, aman bak raza man inti hatuka ringanlonna lua inti. 30Tenchu mansa ngai itukmo chu nuk lan tan ti hatuka nuka ngai itukmo man lan san ti.” #Mt 20.16; Lk 13.30
Currently Selected:
MATHAIIN 19: RANGBSI
Označeno
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.