Pi zi tiki 30
30
1Won hlai na Rakel te tala ɓa te na wa ali gaini Yakob kai ɗa te za sile siɗi tawalɗi. Te miɗini wiini Yakob: Wa ali gaya lai, ɵa kai ɗa aga mu fuɗa sa muku 2Ta m'Alaw ɗi na kapai mu suku seyem war gut ɗa? 3Te muɗa: Bilha na bagaiŋa te na, yimiti suku kapai te wiiɗiŋa ali n'aga mu wûliɗi amai. 4Te sitini Bilha na bagaiɗi aŋ munini, Yakob a yimiti sini 5Bilha te tika fel, te wiini ahi ktai. 6Rakel te muɗa: Alaw a hiina buriya li, a ɵina tuwiŋa, a saŋa ahi li, buri hanɗa te sini yiki ɓa: Dan. 7Bilha, bagaiɗi Rakel te tika fel pra, te wiini ahi wiini Yakob pra. 8Mu hitima hitimi na gdaŋ gaiɗi tawala haa mu rɗa amai midiɗi, te sini yiki ɓa: Neftali.
9Won hlai na Leya te sɗa ɓa te ɗiya gaini wii zaw te yimiti bagaiɗi na Zilpa, te siti aŋ muni wiini Yakob. 10Zilpa bagai na wiiɗi Leya te wiini ahi wiini Yakob ktai, 11Leya te ɗuula te muɗa: Haama luba, te sini yiki ɓa: Gad 12Asakal par Zilpa bagaiɗi Leya te wiini ahi n'ag'aŋ sulu wiini Yakob pra. 13Leya te ɗuula te muɗa: Haama ɓiki, falakai paŋ aga e miɗi mada ɓa, mu muni zi ɓiki, te sini yiki ɓa: Aser.
14War mefeŋ na wiini hiɗini algama, Rubeŋ a hala edi war vowai aŋ paya ali luwuŋ zi fiki si amai, a kiŋɗisi wiiɗi Leya n'emini. Rakel te siiwiti Leya te miɗiɗi: Saŋa pini ali luwuŋ zi fiki si amai na wiini ahiku agwi haw ɗa. 15Leya te wiyiɗi seŋ te muɗa: Ku yima mafa ta kaai a kuɗuku kai ɗi? Ku dara ku mula alini luwuŋ zi fiki-si amai na wiini ahiya pra ɗi? Rakel te muɗa: Pɗem duvukna Yakob a fana gaiku miɗini ali luwuŋ zi fiki-si amai na wiini ahiku 16Koskoi Yakob a wayasi edi war vowai par girna, ku fana ɗa amlai ahaya, buri mu wura feŋ hanɗa gaini ali luwuŋ zi fiki si amai na wiini ahiya, a fana gaiɗi duvuk hanɗa lai.
17Alaw a ɵina tuwi na wiiɗi Leya, te tika fel te wa ahi n'ag'aŋ ɵim wiini Yakob. 18Leya te ɗuula te muɗa: Alaw a saŋa vrakŋa ya buri mu siti bagaiŋa wiini mafa ta, te sini yiki ɓa Isakar 19Leya te tika fel pra te wa ahi n'ag'aŋ ɵaara wiini Yakob. 20Te ɗuula te muɗa: Alaw a saŋa like na pɗem, tiyana zaw ɗa mafa a kiɗa a saŋa kol buri mu wiini ali na maɵagai ɵaara, te sini yiki ɓa: Zabulon. 21Asakal par te wiiti ahi na muni ktai te siɗi yiki ɓa: Dina.
22Alaw miɗini a kɵa gaiɗi Rakel, Alaw a ɵina tuwiɗi, te tika piɗi aŋ wa ali lai. 23Te tika fel te wa ahi, te ɗuula te muɗa: Alaw a tika siyer na mada li edi kiɗi, 24te sini yiki ɓa: Yosef, war hiini na ɓa EPIƊ-ƊAI a saŋasi ahi zamai ktai sini pra kai ɗi!
Yakob gaini Laban
25Won hlai na Rakel te wa Yosef su, Yakob a miɗini wiini Laban: Hinaŋa mu hala, mu waya aha miɗini aftiŋa. 26Siɗiŋa aliya gaiɗi falakaiya na mu zuku sda buriɗi, mu dara mu hala. Tuku ku sɗa sda na mu zuŋku edi gaglai. 27Laban a miɗini: Hiina buriya, buri alawaiŋa e siŋkiŋa ɓa EPIƊ-ƊAI a ɓakaŋa na ɗa buriku. 28Laban a waya a muɗa pra, ɗiyaŋa vrakku zaw kapai mu suŋku. 29A wiyini seŋ a muɗa: Tuku dama ku sɗa ɵeŋku na mu zaŋ, ku sɗa ɓa adumaiku a bunda viya won hlai na mu tika gɗamni. 30Faraiku a na ka dai dai kadai wuza par ɗa, ɗif paŋ n'a talaŋ girna a bunda hiyak buri a sisiɗa viya won hlai na mu ɵa wuzani, EPIƊ-ƊAI a ɓukuku sini mefeŋ na mu cosi ahaku par kapai ta mu za sda burini dalamŋa dama kaswata ɗa 31Laban a muɗa: N'aga mu suku ɗa a maɗa? Yakob a waya seŋ sini: Aga ku saŋa wala kai. Na ɓa ku saŋa wala na mu na zilbaŋ na li ɗa, aga mu wayasi aŋ giɗima adumaiku pra. 32Girna aga mu vuga arbani fara ɗa, alini adumai na balawai na sini gaini bili ɓlok paŋ, adumi na mirɗiki paŋ, afkisi na buluwi zaw na zarai paŋ aga mu tikini arni edi kiini, hanɗa a vrak na wiya ɗa. 33Avut sek, won hlai n'aga ku halasi aŋ tala vrak na wiya, arbani afkasai ɗa, na ku niviti li zarai kai, zaw gaini bili ɓlok kai, zaw mirɗiki kai, arbani adumai nɵa lai, jre kai na wiya aga a siŋka edi, aga a bunda buriya aŋ wala zi hil. 34Laban a muɗa pɗem a za maini na ku muɗaŋ na ɗa nɵa.
35Mefeŋni tar Laban a vara baŋgarakai na jarakai, na balawai gaini afkasai na balawai na jarakai paŋ lai edi kiini. Na Laban a yimaŋ edi paŋ gaini adumai na murɗakai n'arbani marni lai a siŋɗi tiɗi alini. 36A ɓûrwiɗi edi siɗi marɗi gaini Yakob, arbaɗi mogoni hili mefeŋ hu, Yakob a hina aŋ giɗima farani Laban.
37Yakob a paya tini luwuŋ n'agogoi na hirnaŋ na wiini luwuŋ pöpiliye na wiini luwuŋ amandiye gaini na wiini luwuŋ platan lai. A fawa sini edi arbani su su, a fawaŋ haa sini muɗukwiini ta ta. 38A mula tini luwaŋai na jarakai ɵimani palkaw wuzani arni haakai gaini adumai, ɵimaɗi palkaw n'a ca yem warni, a juvuna marni warni lai won hlai n'a halasi aŋ ca yem ca ca. 39Farai a juvuna marni wuzani tini luwaŋai hanɗa, na falakai a wa ali na jarakai zaw na balawai.
40Adumai na Yakob a mulaŋ edi kiini a tapaŋ gaini na jarakai sek, adumai na murɗakai n'aŋ war fara na wiini Laban paŋ a zaŋ aŋ fara na kiini ta, a pɵaŋ arbani fara na wiini Laban ɗa kai. 41Hlai paŋ na farai na gaini liki a jivina warni, Yakob a milinisi tini luwuŋ na jarakai azumai wuzani arni wulani avakai kapai a jivina marni wuzani. 42Won hlai na ɓa a farai na gaini hûgi a mulaŋ azumai wuzani kai, farai na gaini hûgi a wiini Laban na gaini liki a wiini Yakob.
Pri n'edi na wiini Yakob
43Yakob a za aŋ ɗif zi farai, a za gaini fara viya, bagakai na falakai gaiɗi na maɵagai, ɵigini gaini ablehökai viya lai.
Currently Selected:
Pi zi tiki 30: MUSGUM
Označeno
Share
Copy
Want to have your highlights saved across all your devices? Sign up or sign in
La Bible en Musgum © Alliance Biblique du Cameroun 2012 © Nouveau Testament, Alliance Biblique du Cameroun 1964 © American Bible Society New York, 1964