SOERA MOZE I. FAZA 36.
FAZA 36.
I. Foʼomo Gezaoe ba ononia. Ifabali ia chõ Jakobo, mõi mowanoea ba danõ Zeʼira. Ngaʼõtõnia salaw̃a. II. Ngaʼõtõ Zeʼira andrõ. III. Salaw̃a Ndraono Gedomo.
(Faigi gõi Ngaʼõt. I. 1, 34—54)
1I. Daʼe ngaʼõtõ Gezaoe andrõ, jaʼia Gedomo andrõ. 2Ira alawe Ndrawa Ganaʼana nihalõ Gezaoe: Ada, ono Ndraono Cheti andrõ, Elono, ba Oholibama, ono Ana andrõ, ono Zibeona. Iraono Hori andrõ alawe; 3ba Basamata, ono Zimaëli, aehi Nebajoti andrõ. 4Ba ono Gada andrõ chõ Gezaoe, ba Elifasi, ba ono Mbasamata, ba Regoeeli, ba ono Goholibama, 5ba Jehoesi ba Jaëla ba Kora. Daʼõ nono Gezaoe andrõ si toemboe chõnia ba danõ Ganaʼana. 6Ba ihalõ woʼomonia Ezaoe, awõ nononia matoea ba ononia alawe, awõ zawoejoe fefoe, si so baomonia, ba oerifõnia fefoe, awõ fefoe zi so chõnia nisõndrania ba danõ Ganaʼana, ba iheta ia chõ nachinia Jakobo, isaw̃a danõ Zeʼira. 7Noa sa abõlõ eboea gochõtara, fa tola oroedoe ira menaʼõ, ba ambõ tanõ, ba zi so ira, si fatewoe, bõrõ waʼoja goerifõra andrõ. (F. 13, 6). 8Ba iʼiagõ hili Zeʼira andrõ Ezaoe, Ezaoe Edomo andrõ. 9Daʼe ngaʼõtõ Gezaoe, foeroegõ Ndraono Gedomo andrõ, ba hili Zeʼira. (Ngaʼõt. I. 1, 35 b. t.). 10Daʼe dõi nono Gezaoe andrõ: Elifasi, ono Gada andrõ, foʼomo Gezaoe; ba Regoeëli, ono Mbasamata andrõ, foʼomo Gezaoe. 11Ba ono Gelifasi andrõ, ba Tema ba Omara ba Sefo ba Gaëtama ba Kena. 12Ba Tima ndronga ba dõi chõ Gelifasi andrõ, ono Gezaoe; ba moʼono daʼõ chõ Gelifasi, Amaleki dõi nononia. Daʼõ ndraono Gada andrõ, foʼomo Gezaoe. 13Ba daʼe nono Regoeëli andrõ: Nahata ba Sera ba Sama ba Misa. Daʼõ ndraono Mbasamata andrõ, foʼomo Gezaoe. 14Ba daʼe nono Goholibama andrõ, ono Ana, ono Zibeona andrõ alawe, foʼomo Gezaoe: ononia chõ Gezaoe, ba Jehoesi ba Jaëla ba Kora. 15Ba daʼe zalaw̃a ba ndraono Gezaoe: Ono Gelifasi andrõ, si aʼa nono chõ Gezaoe, ba salaw̃a Tema ba salaw̃a Omara ba salaw̃a Sefo ba salaw̃a Kena, 16ba salaw̃a Kora ba salaw̃a Gaëtama ba salaw̃a Amaleki. Daʼõ zalaw̃a andrõ, ngaʼõtõ Gelifasi andrõ, ba danõ Gedomo. Daʼõ nono Gada andrõ. 17Ba daʼe nono Regoeeli andrõ, ono Gezaoe: Salaw̃a Nahata ba salaw̃a Sera ba salaw̃a Sama ba salaw̃a Misa. Daʼõ zalaw̃a andrõ, ngaʼõtõ Regoeeli andrõ ba danõ Gedomo; daʼõ ndraono Mbasamata andrõ, foʼomo Gezaoe. 18Ba daʼe nono Goholibama andrõ, foʼomo Gezaoe: Salaw̃a Jehoesi ba salaw̃a Jaëla ba salaw̃a Kora. Daʼõ zalaw̃a andrõ, madooe Goholibama andrõ, ono Ana, foʼomo Gezaoe. 19Daʼõ ndraono Gezaoe ba daʼõ zalaw̃ara; jaʼia Gedomo andrõ.
20II. Ba daʼe nono Zeʼira, Iraono Hori, niha si tohõna ba danõ: Lotana ba Sobala ba Sibeona ba Ana, ba Disona ba Eseri ba Disano. 21Daʼõ zalaw̃a Ndraono Hori andrõ, ono Zeʼira, ba danõ Gedomo. 22Ba ono Lotana andrõ, ba Hori ba Hemama; ba talifoesõ Lotana alawe, ba Tima. 23Ba daʼe nono Zobala andrõ: Alawana ba Manahata ba Ebala ba Sefa ba Onama. 24Ba ono Zibeona andrõ, ba Aja ba Ana. Daʼõ Ana andrõ, sanõndra goemboe nidanõ aoechoe andrõ ba danõ si mate, me ikoebaloi galide namania Zibeona andrõ. 25Ba daʼe nono Ana andrõ: Disono; ba ono Ana alawe Goholibama andrõ. 26Ba daʼe nono Disono andrõ: Hemeda ba Esibano ba Jitera ba Kerano. 27Ba daʼe nono Geseri andrõ: Bilihano ba Sawano ba Akano. 28Ba daʼe nono Disano andrõ: Oesi ba Arano. 29Ba daʼe zalaw̃a Ndraono Hori: Salaw̃a Lotana ba salaw̃a Sobala ba salaw̃a Sibeona ba salaw̃a Ana. 30Ba salaw̃a Disona ba salaw̃a Eseri ba salaw̃a Disano. Daʼõ zalaw̃a Ndraono Hori ba waʼasalaw̃ara, ba danõ Zeʼira andrõ.
31III. Ba daʼe zalaw̃a andrõ, samatõrõ banoea Gedomo, me lõʼõ na razo Ndraono Gizeraëli: 32Salaw̃a ba danõ Gedomo, ba Bela, ono Mbeori; ba nahiania banoea, ba Dinihaba. 33Ba me no mate Mbela andrõ, ba salaw̃a, fangalinia Jobaba, ono Zera, banoea Mbosera. 34Ba me no mate Jobaba andrõ, ba salaw̃a fangalinia, Hoesama, Iraono Dema. 35Ba me no mate Hoesama andrõ, ba salaw̃a fangalinia, Hadadi, ono Mbedadi; jaʼia zi fasoewõ ba Ndraono Midiano, ba zaloʼo andrõ, ba danõ Ndraono Moabi: ba nahiania banoea, ba Awiti. 36Ba me no mate Hadadi andrõ, ba salaw̃a, fangalinia, Zamela banoea Masereka. 37Ba me no mate Zamela andrõ, ba salaw̃a, fangalinia, Zaoelo, banoea Rehoboti, ba mbewe Oiferati. 38Ba me no mate Zaoelo andrõ, ba salaw̃a, fangalinia, Mbaʼali-hana, ono Nachibori. 39Ba me no mate Mbaʼali-hana andrõ, ono Nachibori, ba salaw̃a, fangalinia, Hadaro; ba tõi nahiania banoea, ba Fagoe, ba tõi woʼomonia, ba Mehetabeʼeli, ono Materedi ono Mesahaba alawe. 40Ba daʼe dõi zalaw̃a ba maʼoewoe Gezaoe, bangaʼõtõra ba ba mbanoeara ba ba dõira andrõ: Salaw̃a Timena ba salaw̃a Alawa ba salaw̃a Jeteti, 41ba salaw̃a Oholibama ba salaw̃a Ela ba salaw̃a Fino, 42ba salaw̃a Kena ba salaw̃a Tema ba salaw̃a Mibesaro, 43ba salaw̃a Magediëli ba salaw̃a Iramo. Daʼõ zalaw̃a Ndraono Gedomo, ba nahiara ba danõ, niʼochõgõra. Daʼõ ngaʼõtõ Gezaoe andrõ, foeroegõ Ndraono Gedomo.
Currently Selected:
SOERA MOZE I. FAZA 36.: NIA
Označeno
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.