SOERA MOZE I. FAZA 13.
FAZA 13.
I. Ifoeli iheta ia ba danõ Miseraji Aberamo, no eboea howoehowoe. II. Fabali ira Gaberamo Loti. III. Ifoeli ifaboeʼoe linia chõnia Lowalangi.
1I. Ba mõi mijaw̃a Gaberamo, moroi ba danõ Miseraji, awõ woʼomonia, awõ fefoe hadia ia chõnia, ba fao chõnia gõi Loti, lasaw̃a danõ si raja no. 2Ba no eboea sibai gochõta Gaberamo, he oerifõ ba he firõ ba he anaʼa. 3Ba itohoetohoegõ wofanõnia, iheta ia si raja, isaw̃a Mbetiëli, irege zi so osenia no, ba gotaloeara Mbetiëli Gaʼi, (F. 12, 8), 4irege zi so naha wameʼe soemange no, nifaʼanõnia ba daʼõ fõna. Ba iʼangarõfi li dõi Jehowa Aberamo ba daʼõ.
5II. Ba chõ Loti gõi, si fao chõ Gaberamo, ba so mbiribiri ba saw̃i ba ose. 6Ba tebai itaha ira tanõ, fa oroedoeroedoe manõ ira menaʼõ, me no oja sibai goerifõra, tebai oroedoe manõ ira. (F. 36, 7). 7Ba tobali fasosososo ira goebalo goerifõ Gaberamo goebalo goerifõ Loti. Ba so na gõi Ndrawa Ganaʼana ba danõ ba Dawa Weresi, me loeo daʼõ. 8Ba imane Aberamo chõ Loti: Bõi fasoso ita, ba bõi fasoso ira goebalo chõgoe goebalo chõoe, noa sa si fatalifoesõ ita. 9Tenga no so fõnaoe danõ maʼafefoe. Sõchi na õhetaʼõ chõgoe; na ba gabera zomasiʼõ, ba ba gambõlõ mõi ndraʼo, ba na ba gambõlõ õw̃aʼõ, ba ba gabera ndraʼo. 10Ba ifaõga hõrõnia Loti, ba iʼila, tanõ si lõ ambõʼambõ idanõ ndraso Joridano andrõ maʼasagõrõ, me lõʼõ na nidoedoegõ Lowalangi Sodoma ba Gomora andrõ, ba hoelõ kaboe Jehowa, si mane tanõ Miseraji, iroegi Zoara andrõ. 11Ba itoejoe chõnia ndraso Joridano andrõ maʼasagõrõ Loti, ba maoso ia, isaw̃a gatoemboecha loeo, ba tobali fabali ira. 12Ba danõ Ganaʼana so Gaberamo, ba Loti, ba ba mbanoea ba ndraso iʼiagõ, ba ifaʼezeʼeze nosenia, iroegi Zodoma. 13Ba si lõ sõchi inbanoea Zodoma andrõ, fahõna horõra chõ Jehowa.
14III. Ba imane Jehowa chõ Gaberahamo, me no fabali Loti chõnia: Faõga hõrõoe ba faigi danõ andrõ fefoe, iʼotarai zi soʼõ, mijõoe ba miraja ba tánõ ba gatoemboecha ba tánõ ba gaechoela. 15Fefoe danõ andrõ sa, niʼilaoe, ba chõoe ba ba maʼoewoemõ oebeʼe, si lõ teboelõ. (F. 12, 7). 16Ba oeʼojaʼõ maʼoewoemõ, irege faʼoja ngawoea nene ba danõ, fa tebai laʼerai maʼoewoemõ, si mane faʼatebai wangerai ngawoea nene ba danõ. (F. 15, 5; 22, 17. Heb. 11, 12). 17Faoso ba tõrõi danõ, faʼanaoe ba faʼebolo, chõoe sa oebeʼe ia, tána chõoe. 18Ba ifaʼese nosenia Aberamo, iroegi gatoea Mamere ba tebato ia ba daʼõ, ba Heberona andrõ, ba ifaʼanõ naha wameʼe soemange chõ Jehowa.
Currently Selected:
SOERA MOZE I. FAZA 13.: NIA
Označeno
Share
Copy
Want to have your highlights saved across all your devices? Sign up or sign in
Soera Ni’amoni’ö, Nias Bible 2009® © Indonesian Bible Society – Lembaga Alkitab Indonesia, 2009.