Priljubljene svetopisemske vrstice iz Openboarunk 13

Deli

Dit foddat Weisheit! Wäa daut vestonen kaun, däm lot daut Tia sien Numma tooptalen, wiels daut es eene menschliche Numma. De Numma es 666.

Un dee oppe Ieed wonen, woaren am aula aunbäden; daut sent aul dee, dän äare Nomes nich en daut jeschlachte Laum sien Läwensbuak jeschräwen sent.

Un hee brocht daut uk bat doa, daut beid, kjlien un groot, rikj un oam, frie ooda veskloft, een Tieekjen opp de rajchte Haunt ooda aum Stiern jejäft wort, un daut kjeena kjeepen ooda vekjeepen kaun, dee nich daut Tieekjen, ooda daut Tia sien Nomen haft, ooda de Zol, dee fa sien Nomen steit.

Wäa faustjenomen woaren saul, woat faustjenomen. Wäa met däm Schwieet doot jemoakt woaren saul, woat met däm Schwieet doot jemoakt. Hia es de heilje äare Jedult un äa Gloowen!

Dan stunt ekj opp däm Saunt aum Mäa un sach een Tia ut daut Mäa rut stieen, daut haud säwen Kjap un tieen Hieena. Un opp siene tieen Hieena haud daut tieen Kroonen, un opp siene Kjap lastaliche Nomen.

Un am wort daut jejäft, jäajen de heilje to kjriejen, un uk jäajen an to jewennen. Un am wort Macht jejäft, äwa aule Volkjsstam un Sproaken un Velkja.

Un wiels am daut wia jejäft worden, ver daut Tia Tieekjens to doonen, veleid hee doaderch aule dee opp de Ieed wonen, un befool de Ieedbewona een Bilt to moaken, daut Tia to ieren, daut met däm Schwieet wia vewunt worden un oba doch läwd. Un am wort daut jejäft, en daut Bilt vom ieeschten Tia, Läwen nenn to jäwen, daut et räden kunn, un daut et uk aul dee, dee daut Tiabilt nich aunbäden wudden, doot moaken kunn.

Daut Tia daut ekj sach, likjend een Leopard, oba haud Feet aus een Boa un een Mul aus een Leiw. Un de Droak jeef am siene Krauft, sienen Troon un siene groote Macht.

Un am wort een Mul jejäft, groote Dinja un Lastrungen to räden, un am wort Macht jejäft, daut 42 Moonat to doonen.

Ekj sach, daut eent von siene Kjap eene Doodeswund jekjräajen haud, oba de Doodeswund wia wada jeheelt. Un de gaunze Ieedboddem wundad sikj äwa daut Tia

Un ekj sach een aundret Tia ut de Ieed rut komen, daut haud twee soone Hieena aus een Laum, un räd soo aus een Droak. Un daut eeft daut ieeschte Tia siene Macht aula ver am ut, un brinjt de Ieed un dee doabowen wonen bat doa, daut ieeschte Tia met de jeheelde Doodeswund auntobäden